Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jazýshy Raqymjan Otarbaevqa arnalǵan kitap tanystyryldy

2021 jyldyń 20 qazan 2021 20:32

ATYRAÝ. QazAqparat – Atyraýda kórnekti jazýshy-dramatýrg, Qazaqstanyń eńbek sińirgen qaıratkeri Raqymjan Otarbaevqa arnalǵan kitaptyń tanystyrylymy ótti, dep habarlaıdy QazAqparat.

Jazýshynyń shyǵarmashylyǵyna arnalǵan tolyq bıblıografııalyq kitapty R.Otarbaev atyndaǵy mádenıet qory shyǵarǵan.

«Kitapqa Raqymjan Otarbaevtyń kórkem, pýblıtsıstıkalyq baǵyttaǵy shyǵarmalary, gazet-jýrnaldarda jarııalanǵan dramatýrgııalyq týyndylary, shet tilinde jaryq kórgen kitaptary, suhbattary men maqalalary, jazýshynyń ómiri men shyǵarmashylyǵy týraly ocherkter endi» -deıdi qalamgerdiń jary, Raqymjan Otarbaev atyndaǵy mádenıet qorynyń jetekshisi Sáýle Otarbaeva.

Oblys ákiminiń orynbasary Baqytgúl Hamenova jazýshy shyǵarmashylyǵynyń qazaq rýhanııaty úshin mańyzyn atap ótti.




«Atyraý óńiri de qazaq rýhanııatyna zor úles qosyp, artyna mol shyǵarmashylyq mura qaldyrǵan talanttarǵa kende emes. Sondaı talanttyń biri – Raqymjan Otarbaev. Qazaq ádebıetiniń kórnekti ókili proza, dramatýrgııa salasynda ónimdi eńbek etti. Shyǵarmalary álemniń birneshe tiline aýdaryldy. Onyń týyndylary óskeleń urpaq úshin rýhanı azyqqa aınaldy» -dedi Baqytgúl Hamenova.

Jazýshynyń uly Ermereı Raqymjan Otarbaev atyndaǵy shákirtaqyny H.Dosmuhamedov atyndaǵy Atyraý ýnıversıteti jýrnalıstıka mamandyǵynyń 4 kýrs stýdenti Bıbigúl Tańatarovaǵa tabys etti. Úzdik stýdent qalamgerdiń «Novella», «Abaı sot» pesalary boıynsha qoıylǵan spektaklderde basty róldi somdaǵan.

Eske sala ketelik, budan buryn Atyraýda jazýshy Rahymjan Otarbaev atyndaǵy stıpendııanyń jeńimpazdary anyqtalǵanyn jazǵan edik.













Avtor Bek Mustafa
Basty sózder: Ádebıet, Atyraý oblysy,
Joǵary qaraı