Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Jasyl el» eńbek jasaǵynyń on jetinshi maýsymy bastaldy

2021 jyldyń 17 maýsym 2021 00:03

ATYRAÝ. QazAqparat – Atyraýda «Jasyl el» eńbek jasaǵynyń XVIІ maýsymy bastaldy, dep habarlaıdy QazAqparat.

Jańa maýsymnyń ashylýy Jastar saıabaǵynda ótti. Oblys ákiminiń orynbasary Baqytgúl Hamenova «Jasyl el» jasaǵynyń jumysyna sáttilik tiledi.

«Jasyl el» eńbek jasaǵynyń jyl saıyn mańyzy artyp, tanyla túsýde. Elbasy Nursultan Nazarbaevtyń bastamasymen qurylǵan «Jasyl el» baǵdarlamasyna bıyl 17 jyl tolyp otyr. Atyraý oblysynda sońǵy 5 jylda 8 myńnan astam jas jumyspen qamtyldy. Ótken jyly 1 myńnan asa jas «Jasyl el» baǵdarlamasyna tartyldy. Bul – eń tabysty jáne aýqymdy áleýmettik jobalardyń biri. Bul – jastarmen jumys isteýdiń óte mańyzdy quraly. Jastardyń Otanǵa degen súıispenshiligin oıatyp, ózderin týǵan jerdiń ıesi retinde sezinýge jeteleıdi» - dedi Baqytgúl Hamenova.




Oblystyq «Jasyl El» eńbek jasaǵynyń jetekshisi Abylaı Qurmetulynyń málimetinshe, bıyl 1 myńnan astam jas atyraýlyq jumysqa tartylady.

«Jańa maýsymǵa tirkeý onlaın-rejımde júrgiziledi. Eńbek jasaǵyna alynǵan jastar qolǵappen, betperdemen qamtamasyz etiledi. Olar qashyqtyqty saqtap, jumys isteıdi. Eńbek jasaǵy sarbazdarynyń jalaqysy 50 myń teńgeden asady», -deıdi Abylaı Qurmetuly.











Joǵary qaraı