Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jalǵan vaktsına pasportyn jasaǵan medbıke ustaldy

2021 jyldyń 31 shilde 2021 18:41

ATYRAÝ. QazAqparat – Atyraýda jalǵan vaktsına pasportyn jasaǵan medbıke ustaldy, dep habarlaıdy QazAqparat.

Oblystyq densaýlyq saqtaý basqarmasy basshysynyń orynbasary Qaısar Abdalıevtyń aıtýynsha, qalalyq emhananyń birinde zańsyz jolmen vaktsına pasportyn jasaǵan medbıkeniń isi áshkerelengen.

«Qazir óńirde jalǵan vaktsına pasportyn jasaýǵa jol bermeý úshin barlyq ekpe beketinde beınebaqylaý kameralary ornatyldy. Medıtsına qyzmetkerleri túsindirý jumystary júrgizdi. Soǵan qaramastan, oblys ákimdigi jáne ishki ister departamentimen birlesip júrgizilgen reıdtik is-shara kezinde medbıkeniń jalǵan vaktsına pasportyn jasaǵany anyqtaldy. Bul – jemqorlyq qana emes, halyqtyń densaýlyǵyna qaýip tóndirgen áreket» - deıdi Qaısar Abdalıev.

Qazir kishi býyn medıtsına qyzmetkerine qatysty qylmystyq is qozǵalyp, tergeý júrgizilip jatyr.

Eske sala ketelik, budan buryn Atyraý oblysynda 140 myńnan astam adam vaktsına saldyrǵan bolatyn.


Joǵary qaraı