Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda temirjol vokzaly men áýejaı qalypty jumys rejımine kóshti

2022 jyldyń 20 qańtar 2022 21:27

ATYRAÝ. QazAqparat – Atyraýda temirjol vokzaly men áýejaı qalypty jumys rejımine kóshti, dep habarlaıdy QazAqparat.

H. Dospanova atyndaǵy Atyraý halyqaralyq áýejaıy bas dırektorynyń orynbasary Jańyl Úmbetııarovanyń aıtýynsha, barlyq avıakompanııa buryn toqtatylǵan reısterdi qalpyna keltirgen.

«Tótenshe jaǵdaı kúshin joıyp, komendanttyq saǵattyń aıaqtalýyna baılanysty ushý ýaqytyn retteýdiń qajeti joq. Qazir ushaqtar kestege sáıkes boıy ushyp jatyr. Máselen, «FlyArystan» burynǵy jumys kestesin tolyǵymen qalpyna keltirdi», -deıdi Jańyl Úmbetııarova.

Al, Atyraý temirjol vokzalynyń basshysy Aıgúl Kýlshyqovanyń jolaýshylar poıyzynyń kestesine baılanysty týyndaǵan másele oń sheshimin tapqan.

«Atyraýǵa Almaty qalasynan «Talgo» poıyzy tańǵa jaqyn keledi. Bul poıyz túngi mezgilde keri jolǵa shyǵady. Al, ózge jolaýshylar poıyzdary kúndiz júredi», -dedi ol.

Eske sala ketelik, buǵan deıin Atyraýǵa túnde keletin jolaýshylardy avtobýspen tasymaldaıtynyn jazǵan bolatynbyz.


Joǵary qaraı