Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda Telegram arqyly jedel járdem shaqyrýǵa bolady

2021 jyldyń 27 qarasha 2021 01:26

ATYRAÝ. QazAqparat – Atyraýda jedel járdem qyzmetiniń Telegram boty iske qosyldy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine súıensek, jańa qosymsha arqyly jedel járdem brıgadasyn shaqyrýǵa bolady.

«Turǵyndar 103 telefon jelisi arqyly medıtsınalyq jedel járdem qyzmetine jıi júginedi. Endi jedel járdem brıgadasyn shaqyrý úshin Telegram qosymshasyn júktep, arnaıy siltemege ótý qajet. Munda «start» batyrmasyna basyp, birneshe derek toltyrylady. Onyń ishinde naýqastyń aty-jóni, JSN, aýrý belgisi, meken-jaıy, koronavırýsqa qatysty mártebesi men telefon nómiri kórsetiledi. Osyndaı derekterdi toltyrǵannan keıin «rastaý» batyrmasyn basyp, kezekshi topty kútý kerek», - dep málim etti basqarmanyń baspasóz qyzmetinen.

Eske sala ketelik, buǵan deıin Atyraý oblysynda Pfizer vaktsınasyn 84 áıel men 51 jasóspirim saldyrǵanyn jazǵan edik.


Avtor Bek Mustafa
Basty sózder: Atyraý oblysy, Medıtsına,
Joǵary qaraı