Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda tabıǵat paıdalanýshylardan óndirilgen aıyppul 224 mln teńgeni qurady

2020 jyldyń 31 qazan 2020 11:02

ATYRAÝ. QazAqparat –Atyraý oblysynda bıylǵy 9 aıda tabıǵat paıdalanýshylardan óndirilgen aıyppul 224 mln teńgeni qurady, dep habarlaıdy QazAqparat.

Oblystyq Ekologııa departamenti basshysynyń orynbasary – bas memlekettik ekologııalyq ınspektor Syrym Tilegenovtiń aıtýynsha, bıylǵy 9 aıda tabıǵat paıdalanýshylarǵa 46 memlekettik ekologııalyq baqylaý júrgizilgen. Onyń ishinde 11 profılaktıkalyq baqylaý, 35 jospardan tys tekserý bar.

«Tekserý nátıjesinde 130 zańbuzýshylyq anyqtalyp, ony joıý týraly 85 uıǵarym berildi. Anyqtalǵan zańbuzýshylyqtarǵa baılanysty 88 mıllıon 422 myń teńgeni quraıtyn 54 ákimshilik aıyppul salyndy. Aıyppuldyń 88 mıllıon 299 myń teńgesi óndirildi», -dedi Syrym Tilegenov.

Sondaı-aq, onyń málimetinshe, byltyr salynǵan 136 mıllıon 339 myń teńgeni quraıtyn 5 ákimshilik aıyppul óndirilgen. Osylaısha, bıylǵy 9 aıda memleket paıdasyna óndirilgen 224 mıllıon 638 myń teńgeni qurady.


Avtor Bek Mustafa
Basty sózder: Atyraý oblysy, Ekologııa,
Joǵary qaraı