Aýa raıy
Astana -22 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda syrqat balany syltaýratyp, aqsha jınaǵan alaıaq ustaldy

2020 jyldyń 2 jeltoqsan 2020 20:26

ATYRAÝ. QazAqparat – Atyraýda syrqat balany syltaýratyp, jalǵan habarlandyrý arqyly aqsha jınaǵan alaıaq ustaldy, dep habarlaıdy QazAqparat.

Polıtsııa qyzmetkerleri qarjylyq qıyndyqqa tap bolǵan soń alaıaqtyqpen aqsha tabýdy kózdegen áıeldiń áreketin áshkereledi.

«Alaıaq áıel Іnstagram-da tserebraldy sal aýrýyna shaldyqqan úsh jasar sábıdi emdeýge qarajat jınaý týraly berilip, keıin alynyp tastalǵan habarlandyrýdy kórgen. Óziniń aram oıyn iske asyrý úshin aldymen áleýmettik jelide jeke paraǵyn ashqan. Oǵan naýqas balanyń fotosýretin jáne óziniń banktik derekterin kórsetip, kómek suraǵan jazbasyn jarııalaıdy. Jalǵan habarlandyrýdy kezdeısoq kórip qalǵan balanyń anasy polıtsııaǵa aryzdandy», -deıdi oblystyq polıtsııa departamenti bastyǵy Qamza Úmbetqalıev.

Atyraý qalalyq polıtsııa basqarmasy №1 polıtsııa bóliminiń qyzmetkerleri jalǵan habarlandyrý avtoryn ustady. Ol Atyraý qalasynyń 28 jastaǵy turǵyny bolyp shyqty.

«Ol 40 myń teńge qaryzyn óteý úshin osylaı áreket etpek bolǵan. 16-23 qarashada onyń esepshotyna syrqat balaǵa kómek qolyn sozǵan azamattardan 37 myń teńge túskeni anyqtaldy. Sotqa deıingi tergeý kezinde kúdikti azamatsha atalǵan qarjyny syrqat balanyń anasyna berdi» -deıdi departament bastyǵy Qamza Úmbetqalıev.

Qazir QR Qylmystyq Kodekstiń 190-babymen (Alaıaqtyq) sotqa deıingi tergeý júrip jatyr.


Avtor Bek Mustafa
Basty sózder: Atyraý oblysy, Qylmyspen kúres,
Joǵary qaraı