Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda shalǵaı aýyl turǵyndary vaktsına beketine poıyzben tegin jetkizilip jatyr

2021 jyldyń 17 qyrkúıek 2021 14:54

NUR-SULTAN. QazAqparat – Atyraý oblysynda shalǵaı eldi meken turǵyndaryn vaktsınamen qamtý úshin poıyzben tegin tasymaldaý qyzmeti qosyldy. Bul týraly Atyraý oblysy ákiminiń orynbasary Baqytgúl Hamenova málim etti, dep habarlaıdy QazAqparat tilshisi.

«Oblystyń shalǵaı aýyldaryndaǵy jurtshylyqty vaktsınamen qamtý úshin QTJ-men birlesken jobany qolǵa aldyq. Ol boıynsha shalǵaı eldimeken turǵyndary jaqyn mańdaǵy vaktsına beketine poıyzben tegin jetkizilip otyr», - dedi B. Hamenova OKQ-de ótken baspasóz máslıhatynda.

Sondaı-aq, ákim orynbasary halyqty vaktsına alýǵa yntalandyrý maqsatynda atqarylyp jatqan jumys barysymen tanystyrdy.

«Oblystyq ákimdiktiń qoldaýymen «Azamattyq Alıans» úkimettik emes uıymy 30 maýsymnan bastap vaktsına alǵan turǵyndar arasynda aqshalaı utys oınatý sharasy ótip jatyr. Osy oraıda jergilikti kásipkerlerdiń rólin erekshe aıtyp ótý kerek», - deıdi ol.

Spıker usynǵan statıstıkaǵa súıensek, oblysta vaktsına alǵan azamattar arasynda jalpy júlde qory 40 mıllıon teńgege utys oınatylǵan. Onyń ishinde basty júldege 10 mıllıon teńge tigilgen.

Odan bólek, ekpe alǵan halyq arasynda 200 myń teńgeniń 60 sertıfıkaty, 1 mln teńgeniń 6 jáne 3 mln teńge turatyn 2 sertıfıkat oınatylǵan.

Aıta ketsek, buǵan deıin Baqytgúl Hamenova óńirde dári-dármektiń 2 aılyq qory jasalǵanyn aıtqan edi.

Sondaı-aq, Atyraý oblysynda 8 myńnan astam kásipkerlik nysan Ashyq júıesine qosylǵan.


Joǵary qaraı