Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Sergek» kameralary arqyly 550 mln teńge aıyppul salynǵan

2021 jyldyń 14 qyrkúıek 2021 01:58

ATYRAÝ. QazAqparat – Atyraýda «Sergek» beınebaqylaý kameralary arqyly 550 mln teńge aıyppul salynǵan, dep habarlaıdy QazAqparat.

Oblystyq polıtsııa departamentiniń ákimshilik polıtsııa basqarmasy bastyǵynyń mindetin atqarýshy Rýslan Májıtovtyń málimetinshe, Atyraý qalasynda byltyrǵy 10 qyrkúıekte «Sergektiń» 2 748 kamerasy iske qosylǵan. Onyń ishinde jol qozǵalysy erejeleriniń buzylýyn tirkeıtin 1 224 kamera bar.

Atyraýda «Sergek» júıesindegi beınebaqylaý kameralary iske qosylǵannan beri 61 myńǵa jýyq quqyq buzýshylyq tirkelip otyr. Quqyq buzýshylarǵa salynǵan aıyppul kólemi 550 mln teńgeni qurady. Onyń ishinde aıyppulǵa kelispeýge qatysty 492 ótinish berildi. Ótinishterdi zerdeleý nátıjesinde 477 hattamanyń kúshi joıyldy» -deıdi Rýslan Májıtov.

Eske sala ketelik, budan buryn Atyraýda 12 mln teńge aıyppuly tólenbegen kólikpen júrgen áıel ustalǵan edi.


Avtor Bek Mustafa
Basty sózder: Atyraý oblysy, Kólik, Aımaq,
Joǵary qaraı