Aýa raıy
Astana -15 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda psıhotroptyq preparattardy satqan úsh adam ustaldy

2020 jyldyń 25 qarasha 2020 02:37

ATYRAÝ. QazAuparat –Atyraýda psıhotroptyq preparattardy satqan úsh adam ustaldy, dep habarlaıdy QazAqparat.

Oblystyq Polıtsııa departamentiniń qyzmetkerleri «Dármek» jedel aldyn alý is-sharasy kezinde «dárihanalyq» nashaqorlar arasynda suranysqa ıe psıhotroptyq dárilik preparattardy zańsyz satýmen aınalysqan úsh azamatty ustady. Olardan plastınka túrindegi 240 «tramadol» men men 18 «tropıkamıd» dárileri tárkilendi.

«Ásirese, esirtki quraldaryn, psıhotroptyq zattar men prekýrsorlardy qoldaný, saqtaý jáne paıdalaný erejelerin buzý faktilerin anyqtaýǵa erekshe nazar aýdaryldy. Atyraý oblysynda 30-dan astam densaýlyq saqtaý nysany men óz qyzmetinde psıhotroptyq zattardy, prekýrsorlardy qoldanatyn 20-dan asa mekeme bar. «Dármek» jedel aldyn alý is-sharasy kezinde úsh emdeý-profılaktıkalyq mekemesi, óz qyzmetinde psıhotroptyq zattar men prekýrsorlardy qoldanatyn eki mekeme tekserildi», - dedi Polıtsııa departamenti bastyǵynyń orynbasary Nurhat Orazbaev.

Jedel is-shara qorytyndysynda QR Qylmystyq kodeksiniń 296-baby 2-bóligimen jáne 297-babynyń 1, 3-bólikterimen sotqa deıingi tórt tergep-tekserý amaly bastaldy. Tórt ákimshilik quqyqbuzýshylyq anyqtaldy. Oǵan qatysy bar tulǵalardy (onyń ishinde 1 medıtsına qyzmetkeri) jaýapkershilikke tartý úshin jınaqtalǵan qujattar Atyraý oblystyq sanıtarııalyq-epıdemıologııalyq baqylaý departamentine joldandy.


Joǵary qaraı