Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda Pfizer vaktsınasyn 84 áıel men 51 jasóspirim saldyrdy

2021 jyldyń 25 qarasha 2021 15:31

ATYRAÝ. QazAqparat – Atyraýda Pfizer vaktsınasyn 84 áıel men 51 jasóspirim saldyrdy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, bıylǵy 1 aqpannan beri atyraýlyq 248 716 adam Sovid-19-ǵa qarsy vaktsınalardyń I komponentin ektirgen.

Al, vaktsınalardyń II komponentin alǵandar sany 227 638 adamǵa jetip otyr.

«Atyraý oblysyna 9 qarashada eki muzdatqysh kamera, 19 qarashada Pfizer vaktsınasynyń 32 760 dozasy jetkizilgen edi. Al, 20 qarashada atalǵan vaktsınany salý bastaldy. Búgin, 25 qarashaǵa deıin Pfizer vaktsınasyn 12 júkti áıel, bala emizetin 72 ana men 12-den 18 jasqa deıingi 51 jasóspirim saldyrdy», -dep habarlady basqarmanyń baspasóz qyzmeti.

Qazir óńirde Rfizer vaktsınasyn alatyn 12 men 18 jas aralyǵyndaǵy balalar sany 63 138 adamdy quraıdy. Al, bala emizetin jáne júkti áıelder sany – 35 362. Onyń ishinde 70 paıyzynda, 76 myń adamda koronavırýs ınfektsııasyna qarsy ekpe alýǵa qarsy kórsetilim joq.

Pfizer vaktsınasyn alǵandardyń biri –Nurly Náberenova. Tórt balasy bar ana Atyraý qalasynyń mańyndaǵy Geolog eldi mekenide turady.

«Balalarymnyń eń kishisi – alty aılyq. Álemde de, elimizde de koronavırýs ınfektsııasyn juqtyrýshylar sanynyń azaımaýyna baılanysty balalarymnyń densaýlyǵyna alańdap júrýshi edim. Bala emizetin analarǵa Pfizer vaktsınasyn saldyrýǵa bolatynyn bilgende, alǵashqylardyń qatarynda alýǵa sheshim qabyldadym. Óıtkeni, ekpe alý arqyly ǵana qaýipti vırýstan ózimdi de, balalarym men aǵaıyn-týystarymdy da qorǵaýǵa bolatynyna

senemin», -deıdi Nurly Náberenova.

Eske sala ketelik, budan buryn Atyraý oblysyna Pfizer vaktsınasynyń 32 760 dozasy

jetkizilip, balalar men júkti áıelderge salý bastalǵanyn jazǵan bolatynbyz.


Joǵary qaraı