Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Parasatty otbasy» baıqaýynyń jeńimpazy anyqtaldy

2021 jyldyń 12 qazan 2021 23:42

ATYRAÝ. QazAqparat – Atyraýda «Parasatty otbasy» baıqaýynyń jeńimpazy anyqtaldy, dep habarlaıdy QazAqparat.

Bıyl «Atyraý – adaldyq alańy» jobalyq keńsesi uıymdastyrǵan «Parasatty otbasy» oblystyq baıqaýy úshinshi ret ótkizildi. Onlaın jáne offlaın túrde ótken baıqaýǵa Sybaılas jemqorlyqqa qarsy is-qımyl agenttiginiń Atyraý oblystyq departamenti men oblystyq ishki saıasat basqarmasy qoldaý bildirgen.

«Qoǵamda sybaılas jemqorlyqqa qarsy mádenıetti qalyptastyrýdyń basty irgetasy – otbasy. Azamattyq qoǵamdy qurýdyń qozǵaýshy kúshi bolyp tabylatyn otbasylyq qarym-qatynastar arqyly adal eńbekke, syılastyqqa, parasattylyqqa qol jetkizýge bolady. «Parasatty otbasy» baıqaýyn ótkizýdegi maqsatymyz – otbasy ınstıtýtyn qalyptastyrýda adaldyq pen parasattylyqty nyǵaıtý, ata-analardyń bala tárbıeleýdegi jaýapkershiligin arttyrý, sybaılas jemqorlyqqa qarsy kúres uǵymyn qalyptastyrý» -deıdi departament basshysynyń birinshi orynbasary Aıdos Mamyt.

Baıqaýǵa qatysýshy otbasylar birinshi kezeńde «Otbasymnyń bir kúndik tirligi» taqyrybynda beınerolık túsirip, áleýmettik jelidegi paraqshasyna jarııalady. Ekinshi kezeńde 7 otbasy adaldyq, adamgershilik, parasattylyq maqal-mátelder aıtýdan jarysyp, sybaılas jemqorlyq áreketi, sybaılas jemqorlyqqa qarsy kúres sharalary jóninde suraqtarǵa jaýap berdi.

Komıssııa músheleriniń uıǵarýymen Inder aýdanynan kelgen Musaǵalıevter áýleti «Parasatty otbasy» atandy. Al, Atyraý qalasynan qatysqan Iganberdıevter men Qurmashevtar otbasyna «Belsendi», «Ónegeli» atalymy berildi.

Eske sala ketelik, buǵan deıin Atyraýda erli-zaıypty temirjolshynyń áýleti «Mereıli otbasy» konkýrsynda jeńimpaz atanǵan bolatyn.














Avtor Bek Mustafa
Basty sózder: Qoǵam, Otbasy, Atyraý oblysy,
Joǵary qaraı