Aýa raıy
Astana -13 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda múmkindigi shekteýli áıel balalar kıimin tigetin sheberhana ashty

2020 jyldyń 29 qarasha 2020 23:52

ATYRAÝ. QazAqparat – Atyraýda múmkindigi shekteýli áıel tigin sheberhanasyn ashyp, bes jyldan beri balalar kıimin tigip otyr, dnp habarlaıdy QazAqparat.

Geolog aýyldyq okrýginiń «Birlik» shaǵyn aýdanynda turatyn Álııa Isımova buryn bazarda saýda jasaǵan. Keıin aýyryp, arbaǵa tańylǵan. Biraq, ómir súrýge qulshynysyn joǵaltqan joq.

Sońǵy bes jyldan beri balalar kıimin tigetin tseh jumysyn tabysty júrgizip otyr. Ol osy jyldar ishinde Aýyl sharýashylyǵyn qarjylaı qoldaý qorynan jobasyn qarjylandyrýǵa tórt ret qarjy alǵan.

Onyń óndirisi tigin mashınasynan bastalǵan. Qazir toǵyz adamdy jumyspen qamtyp otyr.

«Bıyl biz tsehty keńeıtýdi kózdep, 6 mln teńge nesıe aldyq. Maýsym aıynda qosymsha qurylysty aıaqtadyq. Karantınge baılanysty jańa jabdyq satyp ala almaı otyrmyz. Biraq, bul másele jaqyn arada sheshiledi dep oılaımyn» deıdi Álııa Isımova.

Onyń aıtýynsha, karantın kezinde onyń tsehyna tapsyrys kóp túsken.

«Memleket tarapynan kásipkerlerge kórsetiletin qoldaýdy men de sezindim. Eń bastysy, árkimniń óz jobasyn isk asyrýǵa degen yqylasy bolýy kerek. Men usynǵan bıznes-jobama «Eńbek» baǵdarlamasymen óte tıimdi sharttarmen nesıe aldym. Nesıeni óteý merzimi – 4 jyl. Al jyldyq mólsherlemesi 6 paıyz bolǵany biz sekildi kásipkerlerge úlken qoldaý bolady dep oılmaımyn. Men nesıe tólemin ýaqytynda tóleımin. Sol sebepten bolar, Aýyl sharýashylyǵyn qarjylaı qoldaý qorynyń qyzmetkerleri maǵan qajet qaǵazdarymdy tez rásimdep berdi», - deıdi Álııa Isımova.


Joǵary qaraı