Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda meıramhanalar men dámhanalardyń jumys ýaqyty qysqardy

2021 jyldyń 24 qańtar 2021 23:22

ATYRAÝ. QazAqparat – Atyraýda meıramhanalar men dámhanalardyń jumys ýaqyty qysqardy, dep habarlaıdy QazAqparat.

Atyraý oblystyq sanıtarlyq-epıdemıologııalyq baqylaý departamentiniń basshysy-bas sanıtar dárigerdiń qaýlysyna saı qoǵamdyq tamaqtaný nysandary saǵat 09:00-den 20:00-ge deıin jumys isteıtin boldy.

«Buryn meıramhanalar, dámhanalar keshki saǵat 22:00-ge deıin jumys istegen edi. Ujymdyq is-sharalardy ótkizýge tyıym salý kúshinde qaldy. Oryndyqtar arasyndaǵy qashyqtyq keminde 2 metr bolsa, otyratyn oryndar sany 30-dan aspaýy tıis. Bir ústelge otyratyn adamdar sany 4 adamnan aspaýy kerek» dep habarlady departamenttiń baspasóz qyzmeti.

Al azyq-túlik dúkenderiniń jumys isteý ýaqyty saǵat 09:00-den 22:00-ge deıin saqtalady. Alaıda, azyq-túlikti satý, kókónister men jemisterdi qospaǵanda, tek oralǵan túrde júrgizilýi tıis.

Eske sala ketelik, budan buryn Atyraýda kópshilik is-sharany ótkizýge tyıym salynǵanyn habarlaǵan bolatynbyz.


Joǵary qaraı