Aýa raıy
Astana -16 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Máńgilik Abaı» atty onlaın telemarafon ótti

2020 jyldyń 11 tamyz 2020 02:50

ATYRAÝ. QazAqparat –Atyraýda 10 tamyz –Abaı kúnine oraı uıymdastyrylǵan «Máńgilik Abaı» atty onlaın telemarafon kópshilikke «Atyraý» telearnasy men oblys ákimdiginiń áleýmettik jelileri arqyly kórsetildi, dep habarlaıdy QazAqparat óńirlik kommýnıkatsııalar qyzmetine silteme jasap.

Telemarafonda Atyraý oblysynyń ákimi Mahambet Dosmuhambetov óńir turǵyndaryn Abaı kúniniń eń alǵash merekelenýimen quttyqtady.





«Bıyl Alashtyń alyby, qazaqtyń danasy Abaı Qunanbaıulynyń týǵanyna 175 jyldyq mereıtoıy atalyp ótýde. Osyǵan oraı byltyr Memleket basshysy dara tulǵanyń mereıtoıyn taǵylymdyq turǵyda atap ótýdi, toı-mereke emes, oı-berekeniń uıytqysyna aınalýyn tapsyrǵan bolatyn. Uly oıshyldy ulyqtaýdyń negizgi maqsaty — jas býynnyń sanasyna ǵulamanyń izgilik támsilin barynsha sińirý. Abaı jaqqan bilim-ǵylymnyń shamshyraǵyn memleketshildiktiń adastyrmas temirqazyǵyna aınaldyrý. Dana Abaıdyń esimi álemdik deńgeıge jańa leppen shyǵaryna senemin. Abaıdy taný – Alashty taný, qazaq halqynyń tereń dúnıetanymy men taǵylymdy bolmysyn taný degen sóz. Óıtkeni, onyń týyndylarynda ulttyń bolmys-bitimi, turmys-tirshiligi, paıym-parasaty, dili men tili, dini men rýhy aıryqsha kórinis tapqan. Táýelsizdiktiń arqasynda Abaı áleminiń terezesi Alty alashqa ǵana emes, tutas adamzatqa aıqara ashyldy. Jyldar óte taý tulǵamyzdyń esimi jahan jaýharlarynyń ortasynan oıyp turyp oryn alyp, álemniń asyl qazynasyna aınalary sózsiz» -dedi oblys ákimi Mahambet Dosmuhambetov.





«Máńgilik Abaı» onlaın telemarafonyna óńirdegi qala, aýdandarynan, sondaı-aq, aýyldarynan rýhanııat, óner men mádenıet ókilderi qatysty. Kemeńgerdiń óleńderi men qarasózderi oqylyp, Abaı ánderi shyrqaldy. Sondaı-aq, Abaıdyń ómir joly, shyǵarmashylyǵynan syr shertetin eńbekter de kópshilik nazaryna usynyldy.





Eske sala ketelik, budan buryn Atyraýda ómirge kelgen sábıge Abaı esimi berilgen edi.



Avtor Bek Mustafa
Basty sózder: Qoǵam, Ákim, Atyraý oblysy,
Joǵary qaraı