Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda kúzet qyzmeti basqarmasy bastyǵynyń orynbasary 7 jylǵa sottaldy

2021 jyldyń 21 qazan 2021 14:32

ATYRAÝ. QazAqparat – Atyraýda mamandandyrylǵan kúzet qyzmeti basqarmasy bastyǵynyń orynbasary 7 jylǵa sottaldy, dep habarlaıdy QazAqparat.

Sybaılas jemqorlyqqa qarsy is-qımyl agenttigi Atyraý oblystyq departamenti basshysynyń birinshi orynbasary Aıdos Mamyttyń aıtýynsha, bıylǵy 9 aıda quqyq qorǵaý organdarynda 18 derek anyqtalǵan.

«Búgin, 21 qazanda Atyraý qalalyq №2 sotynyń úkimimen Atyraý oblystyq mamandandyrylǵan kúzet qyzmeti basqarmasy bastyǵynyń orynbasary óziniń qaraýyndaǵy qyzmetkerlerinen para alǵan úshin kináli dep tanylyp, 7 jylǵa bas bostandyǵynan aıyryldy. Sot otyrysyna sottalýshynyń týystarymen birge ujymdastary qatysty. Mundaı shara sybaılas jemqorlyq quqyq buzýshylyqtary saldarymen kúreste mańyzdy ról atqarady. Sol sebepten, oblystyq sotpen aradaǵy kelisim negizinde memlekettik qyzmet ujymdary áriptesterine qatysty qaralatyn sot protsesterine qatysatyn bolady. Osylaısha, memlekettik qyzmetshiler arasyndaǵy sybaılas jemqorlyqty qysqartýdy, tipti joıýdy josparlap otyrmyz», - deıdi Aıdos Mamyt.

Sot úkimi zańdy kúshine engen joq.

Eske sala ketelik, buǵan deıin Atyraýda bilim basqarmasynyń eks-sheneýnigi sottalǵanyn habarlaǵan edik.


Joǵary qaraı