Aýa raıy
Astana 11 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Atyraýda kosmetıkalyq klınıka tapshy dári-dármekti zańsyz satyp kelgen

2020 jyldyń 7 shilde 2020 02:00

ATYRAÝ. QazAqparat – Atyraýda kosmetologııalyq klınıka tapshy dári-dármekti zańsyz satqan, dep habarlaıdy QazAqparat.

Atyraý oblysy boıynsha ekonomıkalyq tergeý departamenti polıtsııa jáne oblystyq taýarlar men kórsetiletin qyzmetterdiń sapasy men qaýipsizdigin baqylaý departamentterimen birge ótkizgen reıd kezinde ómirlik mańyzy bar tapshy dári-dármekti eselengen baǵamen satý deregin anyqtaǵan.

Departament taratqan málimetke sáıkes, qaladaǵy jeke kosmetologııalyq klınıkada birneshe dári-dármek lıtsenzııalyq qujatsyz ári zańsyz satylǵan. Onyń ishinde koronavırýs ınfektsııasyn juqtyrǵan naýqastardyń týystary taba almaı júrgen azıtromıtsın men ıngavırın sekildi qat dári-dármek bolǵan. Klınıkadan 636 orama paratsetomol, 1519 dana tseftrıakson, 1000 orama atsetılen qyshqyly, 233 ampýla lıdokaın, 12 orama tsıtramon, 3 orama azıtromıtsın, 117 ampýla deksametazon jáne ózge de dári-dármektiń 5 myńnan astam danasy tabylǵan.

Qazir atalǵan fakti boıynsha QR Qylmystyq Kodeksiniń 214-babymen sotqa deıingi tergeý bastaldy.

Buǵan deıin Atyraýda dári-dármek baǵasyn kótergen dárihana lıtsenzııasynan aıyrylatynyn jazǵan bolatynbyz.



Joǵary qaraı