Aýa raıy
Astana 8 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda koronavırýstan jazylǵandar 74 paıyzǵa jetti

2020 jyldyń 12 tamyz 2020 22:43

ATYRAÝ. QazAqparat –Atyraýda koronavırýstan jazylǵandar 74 paıyzǵa jetti, dep habarlaıdy QazAqparat.

Oblystyq densaýlyq saqtaý basqarmasynyń basshysy Nurlybek Qabdyqaparovtyń málimetinshe, bul aımaqtaǵy epıdemıologııalyq ahýaldyń jaqsarýymen baılanysty bolyp otyr.

«Búgin, ıaǵnı 12 tamyzda Atyraý oblysynda koronavırýs ınfektsııasymen 10638 naýqas tirkeldi. Onyń ishinde 7869 patsıent emdelip shyqty. Qaýipti indetten jazylyp shyqqandardyń kórsetkishi 74 paıyzyn qurady. Naýqastar sanynyń azaıýyna baılanysty karantındik stantsıonarlar jabyldy. Alaıda, epıdemıologııalyq ahýal jaqsarǵanymen, aldaǵy jaǵdaıdy boljaı almaımyz. Sol sebepten, koronavırýstyń ekinshi tolqynyna daıyndyq kúsheıtildi» - dedi Nurlybek Qabdyqaparov.

Onyń aıtýynsha, Atyraýdaǵy barlyq emdeý mekemelerinde dári-dármek qory jasaqtalǵan.

«Alda kúz, qys mezgili kele jatyr. Sondyqtan, turǵyndarǵa óz densaýlyǵyna salǵyrt qaramaı, qorǵanysh quraldaryn paıdalanýǵa, qoǵamdyq ortada ara-qashyqtyqty saqtap, kisi kóp júretin oryndarǵa barmaýǵa keńes beremin»,- dedi Nurlybek Qabdyqaparov.

Eske sala ketelik, Atyraýda koronavırýstan jazylǵandar sany 72 paıyzǵa jetken edi.



Joǵary qaraı