Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda koronavırýspen aýyrǵan 80 naýqas jansaqtaý bóliminde jatyr

2021 jyldyń 5 tamyz 2021 15:46

ATYRAÝ. QazAqparat – Atyraýda koronavırýs ınfektsııasymen aýyrǵan 80 naýqas jansaqtaý bóliminde jatyr. Onyń ishinde 8 patsıent ókpeni jasandy jeldetý apparatyna qosylǵan, dep habarlaıdy QazAqparat.

Atyraý oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, óńirdegi ınfektsııalyq statsıonarlarda qaýipti vırýsqa shaldyqqan 1 700 naýqas oqshaýlanǵan.

«Infektsııalyq statsıonarlarda 3 012 tósek-oryn bar. Qazir statsıonarlardaǵy júkteme 56,4%-dy qurap otyr. Al, statsıonarlardyń 114 orynǵa eseptelgen jansaqtaý bóliminde 80 naýqas em-dom qabyldaýda. Onyń ishinde 8 patsıent ókpeni jasandy jeldetý apparatyna qosylǵan. Bul bólimdegi júkteme 70%-ǵa jetti», -dep málim etti basqarmanyń baspasóz qyzmetinen.

Eske sala ketelik, buǵan deıin Atyraý statsıonarlarynyń jansaqtaý bólimindegi júkteme 70 paıyzdan asqanyn habarlaǵan bolatynbyz.


Joǵary qaraı