Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda koronavırýsqa shaldyqqandardyń teń jartysy aýrýdy toı men bazarda juqtyrǵan

2021 jyldyń 23 shilde 2021 02:03

ATYRAÝ. QazAqparat – Atyraý oblysynyń ákimi Mahambet Dosmuhambetov epıdemıologııalyq ahýalǵa qatysty keńes ótkizip, turǵyndardyń qaýipsizdigin qamtamasyz etýdi tapsyrdy, dep habarlaıdy QazAqparat.

Oblystyq sanıtarlyq-epıdemıologııalyq baqylaý departamentiniń basshysy Mádenıet Tanaýovtyń málimetinshe, 25 maýsymnan beri qaýipti vırýsty juqtyrýshylar sany artqan.

Máselen, 1-21 shilde aralyǵynda 5082 jaǵdaı tirkelgen.

«Ótken aptada naýqastar sany 1,2 ese ósken. Qaýipti indettiń juǵý oshaǵy adam kóp jınalatyn oryndar bolyp tur. Naýqastardyń teń jartysy túngi klýbtar, toılar, eske alý is-sharalary men saýda úıleri, bazarlarda, qoǵamdyq tamaqtaný oryndarynda juqtyrǵan. Sondaı-aq, 23,8% – syrqatpen jaqyn qarym-qatynasta bolǵandar, 17,7% qoǵamdyq kólikte juqtyrǵan», - deıdi Mádenıet Tanaýov.

Al, oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, 2 632 oryndyq ınfektsııalyq statsıonarlarda 1170 naýqas emdelip jatyr.

Mundaǵy júkteme 44,4%-dy qurap otyr. Al, 113 tósek-orny bar jansaqtaý bólimde emdelip jatqandar – 63 adam. Jansaqtaý bólimindegi júkteme 55,7% jetken.

«Jyl basynan beri oblysqa 141 200 doza vaktsına jetkizilip, 93% ıgerilgen. Sondaı-aq, ambýlatorııalyq emdeýdiń tıimdiligin arttyrý úshin mobıldi brıgadalar sany kóbeıtildi» -deıdi Ashan Baıdýálıev.

Aýdan ákimderiniń málim etýinshe, naýqastar sanynyń tolassyz artýyna baılanysty keıbir aýdandarda ınfektsııalyq tósek-oryn jetispeýshiligi baıqalǵan.

Oblys ákimi Mahambet Dosmuhambetovtiń pikirinshe, koronavırýs ınfektsııasymen aýyratyndar sanynyń artyp, shyrqaý shegine jetetin kezeńi alda bolatyny týraly boljamdy eskerý kerek.

«Osyǵan baılanysty saqtyq sharalaryn kúsheıtken jón. Sala basshylary medıtsınalyq mekemelerdi qajetti dári-dármektermen tolyqtaı qamtamasyz etýi tıis. Qosymsha ınfektsııalyq tósek-oryn ashý múmkindigin qarastyryp, karantın talaptarynyń qatań oryndalýyn qamtamasyz etý qajet. Turǵyndarǵa qyzmet kórsetetin barlyq nysandy «Ashyq» baǵdarlamasymen qamtyp, mobıldi toptar jumysynyń tıimdiligin arttyrý kerek» -dedi Mahambet Dosmuhambetov.

Eske sala ketelik, budan buryn Atyraý oblysynda koronavırýs juqtyrǵandar kóbeıgenin jazǵan edik.


Joǵary qaraı