Aýa raıy
Astana -23 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Qarýly Kúshter – adaldyq alańy» ashyldy

2020 jyldyń 26 qazan 2020 14:57

ATYRAÝ. QazAqparat – Atyraýda oblystyq qorǵanys isteri jónindegi departamentte «Qarýly Kúshter – adaldyq alańy» jobalyq keńsesi ashyldy.

Oblystyq qorǵanys isteri jónindegi departamenti bastyǵynyń orynbasary, kapıtan Jasulan Satybaldıevtyń málim etýinshe, maqsat – Memleket basshysynyń Joldaýyn iske asyrý, azamattarǵa memlekettik qyzmetterdi alý kezinde qolaıly jaǵdaı jasaý, sybaılas jemqorlyqtyń aldyn alý. Jobalyq toptyń quramyna departamenttiń áskerı esepke alý, shaqyrý, kadr jumysy jáne qarjy qyzmeti máseleleri jónindegi áskerı qyzmetshiler men azamattyq personal mamandary kirdi.

Jobalyq keńseniń talabyna sáıkes, kezekshi ózderin tolǵandyrǵan suraqtarmen kelýshini tikeleı qabyldaýdy júzege asyratyn keńse basshysyna habarlaıdy. Qajet bolǵan jaǵdaıda máseleni oń sheshý úshin jobalyq toptyń tıisti mamandaryn shaqyrady.




«Keńse quramynda negizgi máseleler boıynsha laýazymdyq tulǵalar da bar. Olar óńir turǵyndarynyń áskerı saladaǵy suraqtaryna jedel, ýaqytyly jáne shynaıy jaýap berýge daıyn», - dedi jobalyq keńseniń basshysy, Atyraý oblysynyń qorǵanys isteri jónindegi departamenti bastyǵynyń orynbasary, kapıtan Jasulan Satybaldıev.




Onyń aıtýynsha, jobalyq top azamattardyń máselelerin sheshý úshin naqty sharalardy qabyldaıtyn bolady. Jumystyń tıimdiligi departament bastyǵyna jazbasha ótinish berý, baǵynysty birikken basqarmalarmen, basqa organdarmen jáne mekemelermen hat almasý qajettiligin joıady. Osylaısha, qyzmet kórsetýdiń jedeldigi men sapasy artady.

«Qarýly Kúshteri – adaldyq alańy» jobalyq keńsesi kelýshilerdi jumys kúnderi saǵat 9:00-den 18:00-ge deıin qabyldaıdy.




Eske sala ketelik, budan buryn Atyraý oblysynyń taǵy bir aýdanynda ashyq ákimdik ashylǵanyn habarlaǵan edik.



Avtor Bek Mustafa
Basty sózder: Ásker, Atyraý oblysy,
Joǵary qaraı