Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda esirtki tasymaldaǵan sheteldik qamaýǵa alyndy

2021 jyldyń 2 tamyz 2021 02:27

ATYRAÝ. QazAqparat – Atyraýda esirtki tasymaldaǵan sheteldik qamaýǵa alyndy, dep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aıtýynsha, Ózbekstan Respýblıkasynyń 32 jastaǵy azamaty Tarazdan arnaıy kelip, esirtki tasymaldaǵan.

«Qarasora-2021» jedel is-sharasy kezinde ustalǵan sheteldikten 29, jalǵa alynǵan úıinen 40 dana túıinshektelgen erekshe ıisi bar esirtki tárizdes zat tabyldy. Jasyryn esirtki tasymaldaýmen aınalysyp júrgen er sheteldiktiń aıtýynsha, bul – «Mef» esirtki ónimderi. Esirtkiniń jalpy salmaǵy 19,7531 gramdy qurady. Tárkilengen esirtki tárizdes zattar sot saraptamasyna joldandy» -deıdi Qamza Úmbetqalıev.

Qazir ustalǵan Ózbekstan azamatyna qatysty QR Qylmystyq Kodeksiniń 296-babynyń 4-bólimimen sotqa deıingi tergeý júrgizilýde. Kúdikti ýaqytsha ustaý ızolıatoryna qamaldy.

Eske sala ketelik, budan buryn Atyraýda 24 mln teńgeniń esirtkisin satpaq bolǵan dinı aǵym ókilderi ustalǵan edi.

Avtor Bek Mustafa
Basty sózder: Atyraý oblysy, Esirtkimen kúres,
Joǵary qaraı