Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda ekinshi dúnıejúzilik soǵystyń sońǵy maıdangeri ómirden ótti

2021 jyldyń 7 tamyz 2021 11:53

ATYRAÝ. QazAqparat – Atyraýda Ekinshi dúnıejúzilik soǵystyń sońǵy maıdangeri ómirden ótti, dep habarlaıdy QazAqparat.

Ekinshi dúnıejúzilik soǵystyń ardageri Zakarııa Sultanov 1926 jyly týǵan. 1943 jyly soǵysqa attanyp, Belorýssııa maıdanynda 143-polk quramynda jaýǵa qarsy shaıqasqa qatysqan. Soǵystaǵy erligi úshin ІІ dárejeli «Dańq» ordenimen marapattalǵan. Elge 1946 jyly oralǵan.

«Qan maıdannan aman oralyp, aramyzda adamdyqtyń asqaq úlgisin kórsetip júrgen soǵys ardagerleriniń sońǵysy edi. Ótken ǵasyrdaǵy zulmat-soǵystan jeńimpaz bolyp shyqqan Zakarııa Sultanov aǵamyz biz úshin erliktiń, qaısarlyq pen otansúıgishtiktiń úlgisi bolyp keldi.

Maıdanda alǵan jaraqatyna qaramastan beıbit kezeńde eńbekten qol úzbeı, áskerı komıssarıatta, ishki ister ınspektsııasynda abyroıly qyzmet etti. Ómiriniń sońyna deıin Táýelsiz eliniń gúldenip, máńgilik el bolýyn tilep otyrýshy edi.

Osydan úsh aı buryn aqsaqaldy Jeńis merekesimen arnaıy baryp quttyqtadym. Tyń bolatyn. Aq batasyn berip, eldiń amandyǵyn tilep, ótken ómiri men ǵıbratty áńgimesin aıtty. Ǵasyrǵa jýyq ómir súrse de, rýhy asqaq asyl azamattyń adamı qasıetine tánti boldym. Sońǵy Jeńis merekesi dep kim oılaǵan...» -dep jazdy áleýmettik jelidegi paraqshasynda oblys ákimi Mahambet Dosmuhambetov.

Eske sala ketelik, budan buryn Mahambet Dosmuhambetov soǵys ardagerleriniń úıine baryp quttyqtaǵanyn jazǵan edik.


Avtor Bek Mustafa
Basty sózder: Jeńis kúni, Atyraý oblysy,
Joǵary qaraı