Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda drıft jasaǵan kólik júrgizýshisine aıyppul salyndy

2021 jyldyń 20 qazan 2021 14:52

ATYRAÝ. QazAqparat – Atyraýda drıft jasaǵan kólik júrgizýshisine aıyppul salyndy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, «Vaz-2114» kóliginiń júrgizýshisi 18 qazanda saǵat 03:00 shamasynda drıft jasaǵan.

«Jedel basqarý ortalyǵynyń beınebaqylaýyna Atyraý qalalyq ákimdik ǵımaratynyń tusynda bir orynda aınalyp, drıft jasaǵan «Vaz-2114» markaly avtokóligi túsken. Ortalyq qyzmetkerleri atalǵan derekti patrýldik polıtsııa qyzmetkerlerine habarlap, baǵyt bergen. Tekserý kezinde atalǵan avtokóliktiń rýlinde 1998 jylǵy júrgizýshi bolǵany anyqtaldy» -dep habarlady departamenttiń baspasóz qyzmeti.

Júrgizýshige qatysty QR Ákimshilik quqyqbuzýshylyq týraly kodekstiń 230-babynyń 2-bólimimen (Qazaqstan Respýblıkasynyń mindetti saqtandyrý týraly zańnamasyn buzý), 595-babynyń 1-bólimimen (Manevr jasaý qaǵıdalaryn buzý) jáne 630-babynyń 1-bólimimen (Joldardy, temirjol ótpelerin jáne basqa jol qurylystaryn búldirý) ákimshilik hattamalar toltyrylǵan. Sot sheshimimen oǵan 49 589 teńge kóleminde aıyppul salyndy.

Eske sala ketelik, budan buryn Atyraýda Qazaqstan týyn kóligine japqan júrgizýshi jazalanǵanyn jazǵan bolatynbyz.

Avtor Bek Mustafa
Basty sózder: Atyraý oblysy, Kólik, Aımaq,
Joǵary qaraı