Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda bir aptada júrgizýshi kýáliginen aıyrylǵan 9 adam rýlge otyrǵan

2021 jyldyń 23 qarasha 2021 06:38

ATYRAÝ. QazAqparat – Atyraýda bir aptada júrgizýshi kýáliginen aıyrylǵan 9 adam rýlge otyrǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna súıensek, jyl basynan beri júrgizýshi kýáliginen aıyrylǵan 174 adamnyń kólik basqarǵany anyqtalǵan.

«Atyraý qalasynda sońǵy bir aptada kólik júrgizý quqyǵynan aıyrylsa da rýlge otyrǵan 9 adam ustaldy. Patrýldik polıtsııa qyzmetkerleri sondaı júrgizýshiniń birin 22 qarashada saǵat 03:20 shamasynda «Atyraý-Dossor» tas joly boıyndaǵy «Shyǵys» bazary tusynda toqtatty. «VAZ–21705» markaly avtokóligin basqarǵan 22 jastaǵy jigittiń budan buryn kólik júrgizý quqyǵynan aıyrylǵany anyqtaldy. Jas jigit soǵan qaramastan kólikti basqarǵan» -dep málim etti departamenttiń baspasóz qyzmetinen.

Júrgizýshi kýáliginsiz rýlge otyrǵan azamatqa qatysty QR Ákimshilik quqyqbuzýshylyq týraly kodeksiniń 612-babynyń 3-bólimimen (Kólik quralyn basqarý quqyǵynan aırylǵan júrgizýshiniń kólik quralyn basqarýy) ákimshilik hattama toltyryldy. Jınaqtalǵan is qujattary Atyraý qalalyq mamandandyrylǵan ákimshilik sotyna joldandy.

Eske sala ketelik, budan buryn Atyraýda 3 jigit janarmaı beketinde turǵan kólikti aıdap áketkenin habarlaǵan bolatynbyz.


Avtor Bek Mustafa
Basty sózder: Jol, Oqıǵa, Zań, Atyraý oblysy, Kólik,
Joǵary qaraı