Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda balalar alańynda eki jasóspirim syra ishken

2021 jyldyń 15 qyrkúıek 2021 10:50

ATYRAÝ. QazAqparat – Atyraýda balalar alańynda syra ishken eki jasóspirim ustaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 13 qyrkúıekte saǵat 20:55 shamasynda 102 operatoryna qala turǵyny «Nursaıa» shaǵyn aýdanyndaǵy bala oınaıtyn alańda jasóspirimder ishimdik iship otyrǵany týraly habar bergen.

«ıÝvenaldy polıtsııa bólimshesiniń qyzmetkerleri tekserý kezinde 2006 jáne 2007 jyly týǵan eki jasóspirimdi medıtsınalyq saraptamaǵa apardy. Saraptamanyń qorytyndysymen jasóspirimderdiń alkogol ishimdik ishkeni anyqtaldy. Syra ishken 14 jáne 15 jastaǵy jasóspirimge qatysty Ákimshilik quqyqbuzýshylyq kodeksiniń 440-baby 2-bóligimen (on segiz jasqa tolmaǵan adamdardyń qoǵamdyq oryndarǵa mas kúıde kelýi, olardyń alkogoldik ishimdikterdi ishýi) ákimshilik hattamalar toltyryldy. Olardyń ata-anasyna 5 aılyq eseptik kórsetkish kóleminde aıyppul salyndy», - dep habarlady departamenttiń baspasóz qyzmeti.

Sondaı-aq, «Jasóspirim» jedel-profılaktıkalyq is-sharasy kezinde túngi saǵat 23:00-den keıin kóshede qydyryp júrgen 30-ǵa jýyq jasóspirim anyqtalǵan. Olardyń ata-anasy Ákimshilik quqyqbuzýshylyq kodeksiniń 442-babymen (kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy) ákimshilik jaýapkershilikke tartylǵan.

Eske sala ketelik, budan buryn Atyraýda kishkentaı balaǵa oq atqan eki jasóspirim ustalǵan bolatyn.


Avtor Bek Mustafa
Basty sózder: QR ІІM, Atyraý oblysy,
Joǵary qaraı