Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda balaǵa zorlyq jasamaq bolǵan kúdiktini ustaýǵa kómekteskender marapattaldy

2020 jyldyń 9 tamyz 2020 12:30

ATYRAÝ. QazAqparat –Atyraýda jas balaǵa seksýaldyq sıpattaǵy zorlyq-zombylyq jasamaq bolǵan kúdiktini ustaýǵa kómektesken qala turǵyndary marapattaldy. Olardyń arasynda 16 jasar jasóspirim bar, dep habarlaıdy QazAqparat.

Eske sala ketsek, 6 tamyzda keshki saǵat 19:30-da Kóktem yqshamaýdanynda mas adam kishkentaı balaǵa seksýaldyq sıpattaǵy zorlyq-zombylyq áreketin jasaýǵa árekettengen. Kúdiktiniń bul aram pıǵylyn Atyraý qalasynyń turǵyndary Shamıl Kýlıev, Artýr Novıkov jáne 16 jasar Álisher Tólegenov sezip qalǵan.





Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev qyraǵy azamattardy arnaıy shaqyryp, alǵys hapen, arnaıy syılyqpen marapattady. Ásirese, Álisher Tólegenovtiń qoǵamdaǵy osyndaı oqys jaǵdaıǵa beıjaı qaramaı kómekke kelgeni úshin alǵys aıtyp, bolashaqta ishki ister organdarynda qyzmet etýge shaqyrdy.

«Kúdiktini ustaýǵa kórsetken kómekterińizdi erlik dep bilemiz. Egemen elimizdiń óskeleń urpaǵy sizderdeı janashyr bolsa, el erteńi kemel bolaryna senim mol», - dedi departament bastyǵy Qamza Úmbetqalıev.





Buǵan deıin Atyraýda balaǵa zorlyq jasamaq bolǵan kúdiktiniń ustalǵanyn habarlaǵan bolatynbyz.



Joǵary qaraı