Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda aýktsıon arqyly kásipkerlerge 100-den astam jer telimi satylǵan

2020 jyldyń 22 qazan 2020 06:38

ATYRAÝ. QazAqparat – Atyraýda kásipkerlerge aýktsıon arqyly 104 jer telimi satylǵan, dep habarlaıdy QazAqparat.

Oblystyq jer qatynastary basqarmasynyń basshysy Álibek Ermekqalıdyń málimetinshe, aımaqtaǵy jer qory - 11 mln 863 myń gektar.

Jer qory aýyl sharýashylyǵy maqsatyndaǵy, eldi mekender, ónerkásip, kólik, baılanys, erekshe qorǵalatyn tabıǵı aýmaqtar, orman qory, sý qory, bosalqy sekildi sanattarǵa bólinedi.

«Bıylǵy 9 aıda kásipkerlik maqsatta aýktsıon arqyly 104 jer telimi, aýyl sharýashylyǵy maqsatynda konkýrs arqyly 132 jer telimi tabystaldy. 2017-2021 jyldarǵa arnalǵan jer qatynastaryn retteý baılanysty Jol kartasy jasaqtalyp, osyǵan sáıkes 126 eldi mekenniń shekarasy bekitilýi qajet eken. 2017 jyly aýdandarda 8 eldi mekenniń, 2018 jyly 34 eldi mekenniń, 2019 jyly 39 eldi meken shekarasy belgilendi. Al, bıyl 45 eldi mekenniń shekarasyn belgileý boıynsha jerge ornalastyrý jumystary júrip jatyr», - deıdi Álibek Ermekqalıev.

Sondaı-aq, QR Úkimetiniń 2016 jylǵy qaýlysyna sáıkes, Mahambet aýdany Almaly aýyldyq okrýginiń 7145 gektar jeri Atyraý qalasyna berilse, Qyzylqoǵa aýdanynyń jer qorynan jalpy kólemi 413,361 gektardy Maqat aýdanyna berý jóninde joba júrgizilgen.

Joǵary qaraı