Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 700-ge jýyq jas áskerge shaqyrylady

2020 jyldyń 23 qyrkúıek 2020 05:30

ATYRAÝ. QazAqparat –Atyraýda kúzgi áskerge shaqyrý naýqany aıasynda 700-ge jýyq astam jasty áskerge shaqyrý josparlanyp otyr, dep habarlaıdy QazAqparat.

«Áskerge shaqyrylýshylardy áskerı bólimderge jóneltý aldynda mindetti túrde PTR-test ádisimen koronavırýsqa qarsy zerthanalyq zertteý júrgiziledi. Bólimge kelgennen keıin jas tolyqtyrýshylar eki aptalyq karantınge ornalastyrylady. Sondaı-aq medıtsınalyq tekserý júrgizilip, áskerge shaqyrylýshynyń áleýmettik-psıhologııalyq mártebesi belgilenedi», - deıdi Atyraý oblystyq qorǵanys isteri jónindegi departament bastyǵynyń orynbasary - jasaqtaý basqarmasynyń bastyǵy maıor Aıdos Amanǵalıev.

Onyń aıtýynsha, áskerge shaqyrylýshylardy irikteý men bólý barysynda densaýlyq jaǵdaıy, olardyń áskerge shaqyrylǵanǵa deıin alǵan mamandyǵy eskeriledi. Fızıkalyq daıyndyǵy joǵary, moraldyq jáne psıhologııalyq turǵydan tózimdi jastar Teńiz jaıaý áskerleriniń, Desanttyq-shabýyldaýshy áskerleri men Áskerı-teńiz kúshteriniń bólimshelerine bara alady.

Áskerge attanatyndardyń arasynda Atyraý qalasynyń turǵyny Erasyl Tabyldy da bar. Ol bıylǵy kolledj bitirgen.

«Bizdiń áýlettegi azamattardyń bári ásker qatarynda bolǵan. Sondyqtan, men de áskerge barýǵa bala kezimnen daıyndalǵan edim. Áskerdegi bir jyldyń ishinde naǵyz azamat retinde shyńdalatynyma senimdimin», - deıdi bolashaq sarbaz Erasyl Tabyldy.

Qazir koronavırýs ınfektsııasynyń taralýyn boldyrmaý úshin jınaqtaý pýnktterinde medıtsınalyq beketter ornatylǵan. Sonymen qatar, oblystyq medıtsınalyq komıssııalardyń quramyna ınfektsıonıst dárigerler engizildi. Áskerge shaqyrý komıssııasynyń músheleriniń málimetinshe, sońǵy jyldary Qarýly Kúshterdiń, basqa da áskerler men áskerı quralymdardyń qataryn tolyqtyrýǵa nıet bildirýshiler sany ósken.

Avtor Bek Mustafa
Basty sózder: Ásker, Atyraý oblysy,
Joǵary qaraı