Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 3 qurylys kompanııasy eldi úlesker bolýǵa shaqyryp, aqshasyn paıdalanǵan

2020 jyldyń 31 shilde 2020 02:12

ATYRAÝ. QazAqparat – Atyraý oblysynda 3 kompanııa jeke jáne zańdy tulǵalardyń aqshasyn zańsyz tartqan. Bul týraly oblystyq prokýratýranyń baspasóz qyzmeti málim etti, dep habarlaıdy QazAqparat.

Vedomstvonyń málimetinshe, Atyraý oblysynyń prokýratýrasy úlestik turǵyn úı qurylysyna monıtorıng júrgizgen. «Turǵyn úı qurylysyna úlestik qatysý týraly» Zańnyń talaptaryna sáıkes, turǵyn úı qurylysyna úlestik qatysý 3 tásilmen (kepildik berý qory, bank nemese ákimdiktiń ruqsaty arqyly) uıymdastyrylady.

Ózge tásildermen jeke jáne zańdy tulǵalardyń aqshasyn tartýǵa tyıym salynǵan.

«Monıtorıng kezinde Atyraý qalasynda 3 qurylys kompanııasy jarnamany buqaralyq aqparat quraldarynda zańsyz jarııalap, jeke jáne zańdy tulǵalardyń aqshasyn ruqsatsyz tartqany anyqtaldy. Prokýratýra «BASTAU CONSTRUCTION», «Real Estate Kapıtal» jáne «ORKALI» JShS-terine qatysty QR Ákimshilik quqyq buzý kodeksiniń 320-baby 1-bóligine sáıkes ákimshilik is qozǵady. Atalǵan kompanııalarǵa Atyraý qalasynyń mamandandyrylǵan ákimshilik soty 1,7 mln teńge kóleminde aıyppul saldy» dep habarlady oblystyq prokýratýranyń baspasóz qyzmeti.

Eske sala ketelik, budan buryn Atyraýda 8 dárihanaǵa aıyppul salynǵan edi.


Joǵary qaraı