Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda 24 jastaǵy boıjetken psıhotropty dárilerdi zańsyz satqan

2021 jyldyń 14 qyrkúıek 2021 04:00

ATYRAÝ. QazAqparat – Atyraýda 24 jastaǵy boıjetken psıhotropty dárilerdi zańsyz satqan, dep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aıtýynsha, esirtki bıznesine qarsy is-qımyl basqarmasynyń qyzmetkerleri 11 qyrkúıekte psıhotropty dárini zańsyz satqan boıjetkendi ustaǵan.

«Atyraý qalasyndaǵy Azattyq dańǵylynda 1997 jyly týǵan boıjetkenniń 50 dana tramadol jáne trapıkamed dári-dármegin zańsyz satyp júrgeni anyqtaldy. Atalǵan azamatshaǵa qatysty QR Ákimshilik quqyqbuzýshylyq týraly Kodeksiniń 426-babymen (Farmatsevtıkalyq qyzmettiń jáne dárilik zattardyń, medıtsınalyq maqsattaǵy buıymdar men medıtsınalyq tehnıkalyq aınalysy salasynyń qaǵıdalaryn buzý) hattama Medıtsınalyq jáne farmatsevtıkalyq baqylaý komıtetiniń óńirlik sheshim qabyldaý úshin joldandy» -deıdi Qamza Úmbetqalıev.

Eske sala ketelik, budan buryn Atyraýda psıhotropty dárilik zat satqan sheteldik áıel ustalǵanyn habarlaǵan bolatynbyz.


Joǵary qaraı