Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý jerinde Joshy ulysynan shyqqan 7 han bılik qurǵan

2021 jyldyń 28 qazan 2021 18:50

ATYRAÝ. QazAqparat –Atyraý oblysynda «Ulyq ulys – Altyn Orda» halyqaralyq ǵylymı-praktıkalyq konferentsııasynyń aıasynda Saraıshyq aýylyndaǵy etnoaýyldyń jobasy tanystyryldy, dep habarlaıdy QazAqparat tilshisi.

Konferentsııa qonaqtaryna bir kezderi Altyn Orda memleketiniń astanasy bolǵan Saraıshyq qalasyn eske túsiretin etnoaýyldyń jobasy usynyldy.

Etnoaýyldyń kire berisinde shyǵys sáýletimen salynǵan sapar ortalyǵy oryn tepken. Etnoaýyldaǵy túrli eksponattar men ár dáýirdiń kıimin kıgen adamdar Altyn Orda memleketiniń mádenı damý tarıhyn barynsha keńinen sıpattaǵan. Zerli arba, Uly Jibek jolynyń ajyramas atrıbýty – túıeli kerýen, jamby atqan mergender men ıt júgirtip, qus baptaǵan saıatshylar, altybaqan aıasynda án qalyqtatqan seriler, temirden túıin túıip, aǵashtan buıym oıǵan qolóner sheberleri, bári-bári Joshy ulysynyń mádenı murasy qanshalyqty baı bolǵanyn pash etti.







Atyraý oblysy Mádenıet, arhıvter, qujattama basqarmasynyń basshysy Aqylbek Rysqalıevtiń aıtýynsha, konferentsııa qonaqtaryna kórsetilgen etnoaýyl «Saraıshyq qalashyǵy» jobasynyń maketi ǵana. Kıeli orynǵa týrıst tartý úshin respýblıkalyq qarajat esebinen úlken Sapar ortalyǵy men meshit boı kóterip keledi.

«Búgingi etnoaýylda 20-ǵa jýyq kıiz úı qurylǵan. Onyń ishinde ejelgi Saraıshyqta júrgizilgen arheologııalyq qazbalarda tabylǵan qundy jádigerler, túrli qarý-jaraq pen turmystyq buıymdardyń bári kórmege qoıylǵan. Sonymen qatar, Atyraý oblysynyń aýmaǵynan tabylǵan asa qundy jádigerler de osy kıiz úılerde usynyldy. Atap aıtsaq, Qazaqstandaǵy «Altyn adamdar» sapynda turǵan eki jádiger Atyraý oblysynan tabylǵan bolatyn» - deıdi ákimdik ókili.

Onyń aıtýynsha, jelegi Saraıshyqtyń ózi de osy etnoaýylǵa jaqyn jerde jatyr. Al jańadan salynatyn Sapar ortalyǵynda arheologııalyq jádigerlerdiń kórmesi men restavratsııalyq zerthana jumys isteıdi.












«Búgingi kórmede ultymyzdyń uly tulǵalarynyń, zııalylarynyń qolynan shyqqan jáne sol ulylardan mura bolyp qalǵan ulttyq dombyralardyń toqsanǵa jýyq kollektsııasy qoıylǵan. Jergilikti qolóner sheberleriniń zergerlik buıymdar jáne «Batyrdyń bes qarýy» taqyrybymen qarý-jaraq kórmesi kórinis tapqan. Tarıhtan belgili, Atyraý jerinde Batý, Qasym, Berke, Berdibek, Jánibek, Toqtamys, Móńke Temir, Toqtaǵý sııaqty jeti birdeı han bılik qurǵan. Qasıetti Saraıshyqtaǵy osynsha tereń tarıh teatrlandyrylǵan qoıylym arqyly bir sátke qaıta tirildi», - deıdi Aqylbek Rysqalıev.

Konferentsııa qonaqtary Saraıshyq jerinde súıegi jatyr dep esepteletin 4 han men 3 bıdiń basyna sımvolıkalyq belgi retinde ornatylǵan mazarǵa bas suqty.

«Aýyz ádebıetindegi derekterde, aqyn-jyraýlardyń óleńderinde Saraıshyqta 9 hannyń súıegi jatqany týraly aıtylady. Bizge solardyń jeteýi belgili. Qalǵan ekeýin taýyp, tabylǵan 7 hannyń derekterin bekitý úshin áli zertteý jumystaryn júrgizý qajet», - deıdi tarıh ǵalymdarynyń doktory Ábilseıit Muqtar.

Eske salsaq, kesheden beri Atyraý oblysynda «Ulyq ulys – Alty Orda» atty halyqaralyq konferentsııa ótip jatyr.

Konferentsııanyń plenarlyq otyrysynda QR Prezıdenti Qasym-Jomart Toqaevtyń quttyqtaý haty oqyldy.

«Elbasynyń bastamasymen qolǵa alynǵan aýqymdy baǵdarlamalar jurtymyzdyń tarıhı sanasyn jańǵyrtýǵa zor úles qosty. Sanmyńjyldyq shejiremizdegi sabaqtastyq jalǵasyn taýyp, ulttyq rýhymyz bıikteı tústi. Biz Altyn Orda dáýirinen kelgen qundy jádigerlerdi dúnıe júzine tanytyp, ony týrızm salasyn damytý úshin tıimdi paıdalanýymyz kerek», - dep jazylǵan quttyqtaý hatta.


















































Joǵary qaraı