Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý túrmelerinde sottalǵandarǵa týystarymen kezdesýge ruqsat berildi

2021 jyldyń 5 naýryz 2021 23:14

ATYRAÝ. QazAqparat – Atyraýda túrmelerde otyrǵan sottalýshylardyń týystarymen eki táýlikke kezdesýine ruqsat berildi, dep habarlaıdy QazAqparat.

Qazir Atyraý oblysy boıynsha Qylmystyq-atqarý júıesi departamenti qarasty ÝG-157/1, ÝG-157/9, ÝG-157/11 mekemelerde uzaq merzimdi kezdesýlerge ruqsat berildi.

«Qylmystyq-atqarý týraly zańnamaǵa sáıkes, 2 táýlikten aspaıtyn kezdesý belgilengen tártippen boıynsha beriledi. Kezdesýden shyqqan sottalǵandar 14 kúnge karantınge ornalastyrylady. Al, kezdesýge kelgen týysynyń koronavırýsqa qarsy PTR-test anyqtamasy 5 kúnnen aspaýy tıis. Bul ózge sottalǵandardyń saýlyǵy úshin qolǵa alynyp otyr» -deıdi departament bastyǵy Manarbek Gabdýllın.

Onyń aıtýynsha, budan buryn karantın kezinde sottalǵan azamattar týystarymen taksafon jáne beınebaılanys arqyly baılanysyp otyrǵan.

Sondaı-aq, tergeýde otyrǵandardyń qorǵaýshylaryna kedergisiz kirip-shyǵýǵa jaǵdaı jasalyp, bilim alatyn sottalǵandarǵa onlaın-dárister júrgizilgen.

Eske sala ketelik, budan buryn Atyraýda túrmede otyrǵandar úshin onlaın-dúken ashylǵanyn habarlaǵan edik.


Joǵary qaraı