Aýa raıy
Astana 2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý polıtseıleri adasyp ketken egiz uldy otbasymen qaýyshtyrdy

2020 jyldyń 26 qyrkúıek 2020 00:51

ATYRAÝ. QazAqparat – Atyraý qalasynyń polıtseıleri adasyp 4 jasar egiz uldardy otbasymen qaýyshtyrdy, dep habarlaıdy QazAqparat.

Keshe, 24 qyrkúıek saǵat 17:00 shamasynda «102» operatoryna Atyraý qalasyndaǵy Juldyz yqshamaýdanyndaǵy úıdiń birinen egiz uldyń joǵalǵany týraly habar túsken.

«2016 jyly týǵan egiz ul – Ernar men Ernur Ilıasovtar úıinen belgisiz baǵytqa shyǵyp ketip, qaıtyp oralmaǵan. Yqshamaýdan aýmaǵyn jiti teksergen polıtseıler bir-birimen ratsııa arqyly udaıy baılanysta boldy. Arada 2 saǵat ótkende polıtsııa kapıtany Danııar Taıbýrıev baılanysqa shyǵyp, Juldyz aýdanyndaǵy 6-kóshede adasyp júrgen balany tapqanyn habarlady. Ol - joǵalǵan egizderdiń biri Ernar bolyp shyqty. Jarty saǵattan keıin polıtsııa aǵa leıtenanty Qanat Ispýsınov Juldyz yqshamaýdanynyń shetinde ornalasqan «Savanna» demalys ornynyń artynan kishkentaı balany taýyp aldy. Onyń Ernur ekeni anyqtaldy» dep habarlady oblystyq departamentiniń baspasóz qyzmeti.

Polıtsııa qyzmetkerleri egiz uldy otbasymen qaýyshtyrdy.

Eske sala ketelik, buǵan deıin Atyraý oblysynda iz-túzsiz joǵalǵan KamAZ júrgizýshisi tabylǵan edi.


Avtor Bek Mustafa
Basty sózder: Oqıǵa, Atyraý oblysy,
Joǵary qaraı