Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń Jylyoı aýdanynda 75 oryndyq aýrýhana salynyp jatyr

2020 jyldyń 4 tamyz 2020 08:35

ATYRAÝ. QazAqparat – Atyraý oblysynyń Jylyoı aýdanynda jalpy quny 7175,4 mln teńgeni quraıtyn 75 oryndyq aýrýhana salynyp jatyr, dep habarlaıdy QazAqparat.

Óńirlik kommýnıkatsııalar qyzmetiniń málimetine súıensek, Jylyoı aýdanynyń ortalyǵy –Qulsary qalasyndaǵy 75 oryndyq aýrýhana qurylysyna «Teńizshevroıl» JShS-niń «Igilik» baǵdarlamasymen 7175,4 mln teńge bólingen. Qurylys jumystary bıylǵy mamyrda bastalǵan. Kelesi jyly paıdalanýǵa tapsyrylmaq.

Aýrýhananyń negizgi korpýsy 55 orynǵa yńǵaılanǵan. Balalar bólimshesine 10, ınfektsııalyq bólimshege 10 oryn arnalǵan. Munda kir jýatyn bólmeler, kólik garajy, baqylaý-tekserý beketteri, órt sóndirý jabdyqtary, arnaıy oryndar, 65 tekshe metr taza sý jınaıtyn tsısterna, septık, patsıentter úshin avtoturaq qarastyrylǵan. Qurylys jumysyna jergilikti turǵyndar tartylǵan.

Atyraý oblysynyń ákimi Mahambet Dosmuhambetov aýrýhana qurylysymen tanysyp, merdigerlerge sapaly ári belgilengen kestege sáıkes jumys isteýdi tapsyrdy.

Eske sala ketelik, Atyraý oblysynda 278 medıtsına mamany jetispeıtinin jazǵan bolatynbyz.


Avtor Bek Mustafa
Basty sózder: Medıtsına, Qurylys, Atyraý oblysy,
Joǵary qaraı