Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń joldarynda 272 aqaý anyqtaldy

2021 jyldyń 23 qarasha 2021 21:45

ATYRAÝ. QazAqparat – Atyraý oblysyndaǵy avtokólik joldarynda 272 aqaý anyqtaldy, dep habarlaıdy QazAqparat.

«Jol aktıvteri ulttyq sapa ortalyǵy» RMK Atyraý oblystyq fılıalynyń dırektory B.Muqashovtyń málimetinshe, jyl basynan bergi 10 aıda respýblıkalyq mańyzy bar jolǵa 711, al, jergilikti jolǵa 164 ret tekserý júrgizilgen.

«Tekserý kezinde Atyraý oblysyndaǵy joldarda 272 aqaý anyqtaldy. Onyń ishinde 207 aqaý respýblıkalyq tas joldarda, al, 65-i jergilikti mańyzdaǵy joldarda tabyldy.

Respýblıkalyq joldarda 64 aqaý joıylǵanmen, ázirge 143-i oryndalmaı otyr. Jergilikti joldardaǵy 16 aqaý qalpyna keltirildi», -deıdi B.Muqashov.

Onyń aıtýynsha, jol qurylysyna qoldanylǵan materıaldardan 1 166 synama alynǵan.

Synamalar arnaıy zerthanada synaqtan ótkizilgen.

«Sonyń nátıjesinde respýblıkalyq joldardan alynǵan 15 túrli qurylys materıalynyń sapasy memlekettik standartqa sáıkes kelmeıtini anyqtaldy. Jergilikti joldardan alynǵan 103 materıal da standartqa sáıkes bolmaı shyqty. Anyqtalǵan aqaýlarǵa baılanysty Atyraý oblystyq memlekettik sáýlet-qurylys baqylaý basqarmasyna 7 usynym-hat joldandy. Sondaı-aq, 2 tehnıkalyq qadaǵalaýshynyń attestaty 6 aıǵa toqtatylyp, 2,5 mln teńgeden astam aıyppul salyndy», -dep málim etti B.Muqashov.

Eske sala ketelik, buǵan deıin Atyraýdan Reseıge shyǵatyn joldy jóndeý qalaı júrip

jatqanyn jazǵan bolatynbyz.


Avtor Bek Mustafa
Basty sózder: Aıyppul, Kólik, Jol, Atyraý oblysy,
Joǵary qaraı