Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń ónerkásibinde 9 aıda 5,7 mlrd teńgeniń ónimi óndirilgen

2021 jyldyń 13 qazan 2021 01:37

ATYRAÝ. QazAqparat – Atyraý oblysynyń ónerkásibinde 9 aıda 5,7 mlrd teńgeniń ónimióndirilgen, dep habarlaıdy QazAqparat.

Bul týraly Atyraý oblysynyń ákimi Mahambet Dosmuhambetovtiń tóraǵalyǵymen ótken

óńirdiń áleýmettik-ekonomıkalyq damý qorytyndylary týraly otyrysynda aıtyldy.

Oblystyq ekonomıka jáne bıýdjetti josparlaý basqarmasynyń basshysy Aıgúl Ájiǵalıevanyń málimetinshe, bıylǵy qańtar-qyrkúıek aılarynda ónerkásip salasynda 5 772,5 mlrd teńgeniń ónimi óndirilgen. Onyń ishinde taý-ken ónerkásibindegi ónim kólemi 5 211,7 mlrd teńgeni quraǵan.

Al, oblystyq kásipkerlik jáne ındýstrııalyq-ınnovatsııalyq damý basqarmasy basshysynyń mindetin atqarýshy Qanysh Mambetovtiń málimetine súıensek, bıylǵy 9 aıda 34,15 mln tonna munaı, 17,8 mlrd tekshe metr ilespe gaz óndirilgen.

«Osy kezeńde negizgi kapıtalǵa 2,1 trln teńgeniń ınvestıtsııasy salyndy. Qazir oblysta jumys istep turǵan 50 927 shaǵyn jáne orta kásipkerlik sýbektisi bar», -dedi ol.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń

basshysy Azamat Mámbetovtiń aıtýynsha, óńirde jyl basynan beri 18 907 jumys orny qurylǵan. Onyń ishinde 9 000 turaqty, 9 907 ýaqytsha jumys orny bar.

«Jumyspen qamtý ortalyqtaryna jyl basynan beri 22 576 adam júgindi. Onyń ishinde 20 864 adam jumyspen qamtyldy. Turaqty jumys oryndaryna 13 733, ýaqytsha jumysqa 7 131 adam jiberildi» -deıdi Azamat Mámbetov.

Eske sala ketelik, buǵan deıin Atyraý oblysynda jylý maýsymyna daıyndyqqa 3 mlrd

teńge jumsalǵanyn jazǵan bolatynbyz.


Joǵary qaraı