Aýa raıy
Astana -8 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynyń əkimi Grýzııadan kelgen dərigerlermen kezdesti

2020 jyldyń 19 qyrkúıek 2020 15:24

ATYRAÝ. QazAqparat - Atyraý oblysynyń əkimi Grýzııadan kelgen dərigerlermen kezdesti. Delegatsııa quramynda 5 medıtsına mamany bar, dep habarlaıdy QazAqparat Atyraý oblystyq kommýnıkatsııalar qyzmetine silteme jasap.

Mahambet Dosmuhambetov dərigerlerge rızashylyǵyn bildirdi.

«Bizdiń ótinishimizdi qabyl alyp, Atyraý oblysyna dərigerlik keńes jəne kəsibı kómek berýge kelgenderińiz úshin alǵys aıtamyn. Biz kúrdeli kezeńdi bastan ótkerdik. Dərigerlerdiń kəsibı sheberliginiń arqasynda qıyn jaǵdaıdy eńserdik. Qazir mamandar boljap otyrǵan pandemııanyń «ekinshi tolqynyna» daıyndalyp jatyrmyz.

Aımaqta dəri-dərmek qory jasaldy. Qajetti jaǵdaıda kerek bolatyn statsıonarlardaǵy kereýetter sanyna qatysty məsele de sheshilýde. Koronavırýsqa shaldyqqan naýqastardy emdeý ózge aýrýy bar naýqastardyń em qabyldaýyna kedergi keltirmeýi úshin tıisti sharalar atqarylýda. Aımaqta 300-den astam medıtsına mamany jetispeıdi. Olardyń qatarynda reanımatolog, pýlmonolog syndy mamandar bar.





Emdeý jəne keńes berýmen qatar, bizdiń mamandarymyzdy qaterli vırýspen nətıjeli kúres úshin daıyndaýǵa atsalysady dep senemin. Biz úshin oblystyń «ekinshi tolqynǵa» maksımaldy túrde daıyn bolýy mańyzdy» - dedi Atyraý oblysynyń əkimi Mahambet Dosmuhambetov.

Kezdesý barysynda dərigerlerdiń jatyn oryn, as-aýqat jəne transporttyq tasymal məseleleriniń tolyqtaı sheshilgeni aıtyldy.

«Atyraýlyq əriptesterimizge kómek kórsetý úshin kelgenimizge rızamyz. Óz tarapymyzdan is-təjirıbemizben bólisýge daıynbyz jəne jaqsy nətıje kórsetýge tyrysamyz»- dedi Grýzııadan kelgen dəriger - reanımatolog Djımsher Ahvledıanı.





Eske sala ketelik, qazirgi tańda Atyraý oblysynda koronavırýs ınfektsııasyn juqtyrǵandardyń sany 11 038 jaǵdaıy tirkeldi. Onyń ishinde 10 489 adam tolyqtaı saýyǵyp shyqty.


















Basty sózder: Atyraý oblysy, Medıtsına,
Joǵary qaraı