Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynyń 37 eldi mekeninde jol jóndeledi

2022 jyldyń 13 mamyr 2022 23:30

ATYRAÝ. QazAqparat – Atyraý oblysynyń 37 eldi mekeninde 200 shaqyrymnan astam jol jóndeledi, dep habarlaıdy QazAqparat.

Oblystyq jolaýshylar kóligi jáne avtomobıl joldary basqarmasynyń bólim basshysy Qýanyshbek Qabdyǵalıdyń málimetinshe, oblystyq, aýdandyq mańyzy bar joldardyń jaqsy jáne qanaǵattanarlyq jaǵdaıyn 70%-ǵa jetkizý josparlanyp otyr.

«Bıylǵy jyldyń sońyna deıin 37 eldi mekende 200 shaqyrymnan astam avtomobıl jolyn jóndeý josparlanyp otyr. Qazir «Inder-Qarabaý» baǵytyndaǵy jolyń 87 shaqyrymyn qaıta jańǵyrtý jumysy júrgizilip jatyr. Búginge deıin atalǵan joldyń 31,5 shyqyrymy qaıta jańǵyrtyldy. Qurmanǵazy aýdanyndaǵy «Ganıýshkın-Prımore-Ýtera-Kotıaev» avtomobıl jolyna da kúrdeli jóndeý bastaldy», -deıdi Qýanyshbek Qabdyǵalı.

Onyń aıtýynsha, Qyzylqoǵa aýdanyndaǵy Taısoǵan aýylynyń kirme jolyn, «7 razezd-Asan-Azǵyr-Balqudyq-Súıindik» jolyn ortasha jóndeý, «Mııaly-Oıyl» jolyn kúrdeli jóndeý jobalary jasaqtalyp jatyr. Sondaı-aq, Isataı aýdanynynyń Janbaı, Isataı, Qurmanǵazy aýdanynyń Nurjaý, Mahambet aýdanynyń Sarytoǵaı, Maqat aýdanynyń Maqat, Dossor, Báıgetóbe aýylyndarynda aýylishilik, kirme jáne jaıaý júrginshilerge arnalǵan jol qaıta jańǵyrtý qolǵa alynǵan.

Al, Atyraý qalalyq turǵyn úı kommýnaldyq sharýashylyǵy, jolaýshylar kóligi jáne avtokólik joldary bóliminiń bas mamany Erjan Qaınollaevtyń málimetine súıensek, shaharda jol keptelisiniń aldyn alý úshin 21,1 shaqyrymdy quraıtyn bes kósheniń jolyn qaıta jańǵyrtý kózdelgen.

«Qazir M.Áýezov kóshesinde 2,8 shaqyrym, «Balyqshy shaǵyn aýdany – Zaroslyı» aralyǵyndaǵy 5,7 shaqyrymdyq joldy jóndeý qaıta jalǵasty. Erkinqala-2, Zaroslyı-1, Rakýsha, Balaýsa jáne ózge de shaǵyn aýdandarda 135,8 shaqyrymdy quraıtyn 230 kóshege jańadan jol tóseý jumysy bastaldy. Buǵan qosa 25 myń sharshy metrge jýyq joldyń oıyq, shuńqyry jóndeledi», -dep málim etti Erjan Qaınollaev.

Eske sala ketelik, budan buryn Atyraý oblysynda jol erejesin baqylaıtyn mobıldi qosymsha iske qosylǵanyn habarlaǵan edik.


Joǵary qaraı