Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda jyl sońyna deıin 15 myń adam revaktsınatsııadan ótedi

2021 jyldyń 9 jeltoqsan 2021 04:19

ATYRAÝ. QazAqparat – Atyraý oblysynda jyl sońyna deıin 15 myń adam revaktsınatsııadan ótedi, dep habarlaıdy QazAqparat.

Oblys ákimi Mahambet Dosmuhambetovtiń aıtýynsha, áli de epıdemııalyq ahýal tolyq

turaqtanǵan joq. Sol sebepten, turǵyndardyń vaktsına saldyrýy men monıtorıngtik

toptardyń jumysyn jandandyrý qajet.

«Qazir álemde koronavırýs ınfektsııasynyń jańa shtammy – «Omıkron» taralyp jatyr.

Bul shtamm kórshiles Reseı Federatsııasynda eki adamnan anyqtalǵan. Jańa shtammnyń

óńirge taralýyn boldyrmaý maqsatyndaǵy jumystar qolǵa alyndy. Sonyń biri – oblys

turǵyndaryn vaktsınalaýdy jalǵastyrý men revaktsınatsııamen qamtý. Osyǵan oraı

jumys kúsheıtildi», -deıdi oblystyq densaýlyq saqtaý basqarmasynyń basshysy Ashan

Baıdýálıev.

Onyń aıtýynsha, vaktsınanyń I komponenti 251 955 adamǵa, II komponenti 232 772 adamǵa

salynǵan. Bul oblys boıynsha jalpy ekpe alýǵa tıis turǵyndardyń 68,9% qurap otyr.

«Bıylǵy 31 jeltoqsanǵa deıin 15 myń adam revaktsınatsııadan ótedi. Biraq, óńirde

revaktsınatsııa qarqyny tómen. Osy kezge deıin 1 025 adam qaıta ekpe aldy. Tek sońǵy

táýlikte revaktsınatsııadan ótken adamdardyń sany – 155 adam. Qazir qaıta ekpe alatyndarǵa QazVac Kazvak vaktsınasy salynyp jatyr», -dep málim etti A.Baıdýálıev.

Basqarma basshysynyń aıtýyna qaraǵanda, óńirge Rfizer vaktsınasynyń 32 760 dozasy

jetkizilgen. Bul vaktsınanyń I komponenti 968 adam alǵan.

Al, oblystyń bas memlekettik sanıtar dárigeri Mádenıet Tanaýovtyń málimetine súıensek, Atyraý oblysy 20 qarashada «jasyl» aımaqqa ótken. Biraq, sońǵy 10 kúnde

koronavırýs ınfektsııasyn juqtyrǵan 88 naýqas tirkelgen.

«Qazir óńirde 100 myń turǵynǵa shaqqandaǵy kórsetkish 13,3 paıyzdy qurap otyr. Onyń

ishinde 78,4% – sımptomdy. Naýqastardyń 54,5%-y adam kóp jınalatyn oryndardan, 25%-y qoǵamdyq kólikten juqtyrǵany anyqtaldy», -deıdi M.Tanaýov.

Oblys ákiminiń pikirinshe, vaktsınalaý jáne revaktsınatsııa kórsetkishi ásirese, aýdandarda tómen bolyp otyr. Sondyqtan, turǵyndardyń qaýipsizdigi salǵyrttyqty kótermeıtinin eskerý kerek.

«Vaktsınalaý boıynsha josparlanǵan nátıjege qol jetkizý qajet. Osyǵan baılanysty

qaıta ımmýndaý jumysyn júrgizý jóninde naqty is-sharalar qabyldanǵany jón.

Revaktsınatsııa jáne Rfizar vaktsınatsııasyn egý qarqynyn joǵarylatý úshin tıisti jumystar

uıymdastyrýǵa basa nazar aýdarylyp, monıtorıngtik toptardyń jumysyn kúsheıtip,

nysandarǵa kirý tártibin qalypqa keltirý kerek», -dedi M.Dosmuhambetov.

Eske sala ketelik, budan buryn Atyraý oblysynda kópshilik is-sharalardy ótkizýge tyıym

salynǵanyn jazǵan edik.


Joǵary qaraı