Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda jyl basynan beri 23 myńnan astam jumys orny ashyldy

2021 jyldyń 12 qarasha 2021 04:28

ATYRAÝ. QazAqparat – Atyraý oblysynda jyl basynan beri 23 myńnan astam jumys orny ashyldy, dep habarlaıdy QazAqparat.

Oblystyq Jumyspen qamtýdy úılestirý jáne áleýmettik baǵdarlamalar basqarmasy baspasóz qyzmetinen málim etkendeı, memlekettik baǵdarlamalar aıasynda ashylǵan jumys oryndary «Integratsııalyq jumys oryndaryn qurý» aqparattyq júıesimen qamtylǵan.

«Atyraý oblysynda bıylǵy jyl basynan beri memlekettik baǵdarlamalardyń tıimdi iske asyrylýynyń nátıjesinde jumyspen qamtylǵandardyń sany artyp, 23 011 jańa jumys orny ashyldy. Onyń ishinde 12 346-sy – turaqty, 10 665-i ýaqytsha – jumys oryndary. Máselen, nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasymen 8 220 adam jumysqa ornalasty. Sondaı-aq, jumyspen qamtý jol kartasy, «Nurly jol», «Nurly jer», óńirlerdi, týrızmdi, agroónerkásip keshenin, ǵylym men bilimdi damytý, bıznestiń jol kartasy, ındýstrııalyq-ınnovatsııalyq damý, tsıfrly Qazaqstan, memlekettik-jekemenshik áriptestik baǵdarlamalarymen 1 376, jeke bastamalar men shaǵyn jáne orta bızneste, ózge baǵadarlamalar arqyly 13 415 jumys orny quryldy», - dep málim etti basqarmanyń baspasóz qyzmetinen.

Eske sala ketelik, budan buryn Atyraý oblysynda 558 sheteldikti jumysqa tartýǵa ruqsat berilmegenin jazǵan edik.


Joǵary qaraı