Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda jolaýshylar poıyzy mototsıkl mingen er adamdy qaǵyp ketti

2022 jyldyń 17 mamyr 2022 15:53

NUR-SULTAN. QazAqparat – Atyraý oblysynda jolaýshylar poıyzy mototsıkl mingen er adamdy qaǵyp ketti, dep habarlaıdy QazAqparat tilshisi.

Kýágerlerdiń sózine qaraǵanda, oqıǵa 16 mamyr kúni Qulsary – Beıneý aralyǵynda boldy. Saǵat 17.50-de kúzetilmeıtin retteletin ótkelde mototsıkl mingen er adamdy Atyraý-Mańǵystaý baǵytynda júretin №314 jolaýshylar poıyzy qaǵyp ketken.

Er adam Qulsary qalasyndaǵy aýrýhanaǵa jetkizilgenimen, sonda kóz jumdy. ІІM Kóliktegi polıtsııa departamentiniń baspasóz qyzmeti bolǵan oqıǵany rastady.

«Atalǵan derek Atyraý stantsııasyndaǵy jelilik polıtsııa bóliminiń sotqa deıingi tergep-tekserýdiń biryńǵaı tiziliminde QR QK 344-baby 2-bóligi (abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý) boıynsha tirkeldi. Qazirgi ýaqytta is boıynsha qajetti tergeý amaldary júrgizilýde. Ózge aqparat Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy», dep habarlady vedomstvodan.

Eske sala keteıik, budan buryn Aqtaýda joǵalyp ketken sarbazdyń úsh kúnnen keıin tabylǵanyn jazǵan bolatynbyz.


Joǵary qaraı