Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda jeke sektordaǵy órt oqıǵalary eki ese kóbeıgen

2021 jyldyń 24 qarasha 2021 04:00

ATYRAÝ. QazAqparat – Atyraý oblysynda jyl basynan beri 300-ge jýyq órt tirkeldi, dep habarlaıdy QazAqparat.

Oblystyq tótenshe jaǵdaılar departamenti memlekettik órt baqylaý basqarmasynyń bastyǵy orynbasarynyń mindetin atqarýshy Tóremurat Sátikenovtiń málimetinshe, turǵyn úı sektorynda bolǵan órt eki ese kóbeıgen.

Bıylǵy jyl basynan beri turǵyn úı sektorynda 128 órt tutanǵan. Al, jylytý maýsymy kezeńinde turǵyn úılerde 42 órt tirkeldi.

Ótken jyldyń osy kezeńimen salystyrǵanda mundaı órt oqıǵasy eki ese kóbeıip otyr.

«Sol sebepti qaýipti jaǵdaıdy boldyrmaý maqsatynda 15 tamyzdan beri 9 793 turǵyn úıde turatyn 21 622 astam adamǵa aqparattyq túsindirý jumysy júrgizildi» - deıdi Tóremurat Sátikenov.

Onyń aıtýynsha, kópbalaly otbasylardyń úıine jergilikti bıýdjet esebinen alynǵan ýly gazdy anyqtaıtyn 332 dabylqaqqysh ornatylǵan.

Eske sala ketelik, budan buryn Atyraýda jyl basynan beri 205 órt oqıǵasy tirkelgenin jazǵan edik.

Joǵary qaraı