Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda jansaqtaý bólimindegi 12 naýqastyń jaǵdaıy aýyr

2022 jyldyń 17 qańtar 2022 16:02

ATYRAÝ. QazAqparat – Atyraý oblysynda koronavırýs juqtyryp, jansaqtaý bóliminde jatqan 12 naýqastyń jaǵdaıy aýyr, dep habarlaıdy QazAqparat.

Buǵan deıin oblysta eki táýlikte 1,1 myń adam koronavırýsqa shaldyqqanyn jazǵan edik.

Sońǵy kúnderi qaýipti vırýsty juqtyrýshylar sany Atyraý qalasynda kúrt artyp otyr. Keshe bul shaharda ınfektsııa 422 adamnan tirkeldi. Sondaı-aq qaýipti indet belgisi 7 aýdan men Teńiz ken ornynda da anyqtaldy. Qazir úı jaǵdaıynda emdelý úshin 2 063 adam oqshaýlanǵan.

«Óńirdegi 2 360 oryndyq tósek-orny bar ınfektsııalyq statsıonarlarda 663 naýqas (júkteme – 28,1%) emdelip jatyr. Statsıonarlardyń 106 orynǵa eseptelgen jansaqtaý bóliminde jatqan 12 naýqastyń jaǵdaıy aýyr. Al jaǵdaıy óte aýyr 1 patsıent ókpeni jasandy jeldetý apparatyna qosylǵan. Bul bólimdegi júkteme – 11,3%», - dep málim etti Densaýlyq saqtaý basqarmasynyń baspasóz qyzmetinen.


Joǵary qaraı