Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda janarmaı tasymaldaıtyn kólik órtendi

2021 jyldyń 21 qyrkúıek 2021 15:22

ATYRAÝ. QazAqparat – Atyraý oblysynda janarmaı tasymaldaıtyn kólik órtendi, dep habarlaıdy QazAqparat.

Oblystyq tótenshe jaǵdaılar departamentiniń baspasóz qyzmeti taratqan aqparatqa qaraǵanda, kólik órti keshe, 20 qyrkúıekte saǵat 18:42 shamasynda bolǵan.

«Departamenttiń dıspetcherlik pýltine «Atyraý-Inder» tas jolyndaǵy Besikti aýylynyń tusynda janar-jaǵarmaı tasymaldaıtyn kólik órtenip jatqany týraly habar tústi. Oqıǵa ornyna jedel jetken órt sóndirýshiler syıymdylyǵy 23 tonnalyq júk kóliginiń kabınasy tolyq órtengenin anyqtady. Jalyn saǵat 19:09-da oqshaýlanyp, saǵat 19:13-te sóndirildi. Órtti sóndirýge arnaýly qyzmettiń 8 qyzmetkeri men 2 kóligi jumyldyryldy. Kóliktiń órtenýine elektr júıesiniń qysqasha tuıyqtalýy sebep bolǵan» -dep habarlady departamenttiń baspasóz qyzmeti.

Eske sala ketelik, buǵan deıin Atyraýda turǵyn úıdiń shatyry, keıinnen eki qabatty mansardty úı órtenip ketkenin jazǵan bolatynbyz.


Joǵary qaraı