Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda zańsyz jumys istegen 9 sheteldik ustaldy

2021 jyldyń 22 qyrkúıek 2021 22:58

ATYRAÝ. QazAqparat – Atyraý oblysynda zańsyz jumys istegen 9 sheteldik ustaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, sheteldikter Qyzylqoǵa aýdanynda zańsyz jumys istegeni anyqtalǵan.

«Óńirde 1 qyrkúıekten beri «Ýchaske» jedel profılaktıkalyq ​ is-sharasy ótip jatyr. Atalǵan is-shara kezinde Qyzylqoǵa aýdandyq polıtsııa bóliminiń qyzmetkerlerimen shalǵaı eldi-mekender men qystaqtardy tekserý júrgizdi. Tekserý kezinde alystaǵy qystaqtarda tirkeýsiz júrgen Qazaqstan Respýblıkasynyń 12 azamaty anyqtaldy. Sondaı-aq, zańsyz jumys istegen 9 sheteldik ustaldy. Olarǵa QR Ákimshilik quqyqbuzýshylyq týraly Kodeksiniń 492-babymen, jumys berýshi tulǵalarǵa atalǵan qujattyń 518-babyna sáıkes ákimshilik hattamalar toltyryldy» -dep habarlady departamenttiń baspasóz qyzmeti.

Eske sala ketelik, budan buryn Atyraý oblysynda 459 sheteldikti jumysqa tartýǵa ruqsat berýden bas tartylǵanyn jazǵan bolatynbyz.


Joǵary qaraı