Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda tótenshe jaǵdaılar qyzmetine 9 aıda 1 467 ret shaqyrtý túsken

2021 jyldyń 23 qazan 2021 19:07

ATYRAÝ. QazAqparat – Atyraý oblysynda tótenshe jaǵdaılar qyzmetine bıylǵy 9 aıda 1 467 ret shaqyrtý túsken, dep habarlaıdy QazAqparat.

Oblystyq tótenshe jaǵdaılar departamenti bastyǵynyń orynbasary Jasulan Aqtaevtyń málimetinshe, jyl basynan beri tótenshelikterge túsken shaqyrtý 9,8 paıyzǵa artqan.

«Departamenttiń dıspetcherlik pýltine byltyrǵy 9 aıda 1 336 shaqyrtý túsken edi. Al, bıylǵy osy kezeńde jedel qutqarý jasaǵynyń qyzmetkerleri 1 467 ret avarııalyq-qutqarý men shuǵyl shaqyrtýǵa bardy. Oqıǵa ornynan qıyn jaǵdaıǵa tap bolǵan 98 adam qutqarylyp, 159 adam evakýatsııalandy. Shaqyrtý ornyna jedel járdem brıgadasy kelgenge deıin 16 adamǵa alǵashqy medıtsınalyq kómek kórsetildi» -deıdi Jasulan Aqtaev.

Sondaı-aq, sybaılas jemqorlyqqa qarsy jáne ózge de zańdylyqty buzǵan 93 qyzmetker tártiptik jaýapkershilikke tartylǵan.

Eske sala ketelik, budan buryn Atyraý oblysynda júk kóliginiń janarmaı bagy janyp ketkenin habarlaǵan bolatynbyz.


Joǵary qaraı