Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda tótenshe jaǵdaı kezinde 46 adam ákimshilik qamaýǵa alynǵan

2022 jyldyń 19 qańtar 2022 16:07

ATYRAÝ. QazAqparat – Atyraý oblysynda tótenshe jaǵdaı kezinde 254 ákimshilik hattama toltyrylyp, 46 adam qamaýǵa alynǵan, dep habarlaıdy QazAqparat.

Atyraý oblystyq Polıtsııa departamentiniń bastyǵy Qamza Úmbetqalıevtiń aıtýynsha, 5-19 qańtar aralyǵyndaǵy tótenshe jaǵdaı rejımi kezinde strategııalyq nysandardyń qaýipsizdigi qamtamasyz etildi.

«Oblys ortalyǵynda - 4, Jylyoı aýdanyndaǵy Teńiz ken ornynda 1 blokbeket ornatylyp, avtokólikterdi tekserý júrgizildi. Atyraý qalasyndaǵy 6 kópirdiń eki jaǵynan 12 beket qoıyldy. Komendanttyq rejımdi buzǵandarǵa 254 ákimshilik hattama toltyrylyp, 46 adam ákimshilik qamaýǵa alyndy. Al 19 adamǵa aıyppul salynyp, 117 adamǵa eskertý berildi. Tótenshe jaǵdaı talaptaryn oryndamaýǵa qatysty 2 derek anyqtaldy. Osy kezeńde alkogol ishimdikterin satqan 6 adam ákimshilik jaýapkershilikke tartyldy», - dep málim etti Qamza Úmbetqalıev.

Onyń aıtýynsha, tótenshe jaǵdaı kezinde qoǵamdyq tártipti saqtaýǵa polıtsııa qyzmetkerlerimen birge 97 erikti úles qosqan.

«Turǵyndardyń qaýipsizdigin qamtamasyz etý, qoǵamdyq tártipti saqtaý úshin polıtsııa qyzmetkerleri kúsheıtilgen rejımdegi jumysyn odan ári jalǵastyrady. Búgin Іshki ister mınıstrliginiń nusqaýyna saı, jaǵdaıdy turaqtandyrý, zańdylyqty, quqyqtyq tártipti jáne qaýipsizdikti qamtamasyz etý maqsatynda «Quqyqtyq tártip» jedel aldyn-alý is-sharasy bastaldy», - deıdi Qamza Úmbetqalıev.

Buǵan deıin Atyraý oblystyq ákimdiginiń búlingen ǵımaraty qalpyna keltirilgenin habarlaǵan edik.



Joǵary qaraı