Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda taǵy da balyq qyryldy

2021 jyldyń 25 shilde 2021 12:07

ATYRAÝ. QazAqparat – Atyraý oblysynda taǵy da balyq qyryldy, dep habarlaıdy QazAqparat.

Balyq sharýashylyǵy komıtetiniń baspasóz qyzmetinen málim etkendeı, keshe, 24 shildede Qurmanǵazy aýdanynda Darhan ózeginiń Nurjaý aýyldyq okrýgine qarasty bóliginde balyqtyń qyrylý qaýpi bar aımaq anyqtalǵan.




«Osyǵan oraı múddeli mekemeler men Nurjaý, Jańatalap aýyldyq okrýgterdiń ákimdikterine habarlanyp, aımaqqa «Tilekshi» JShS-niń shabaq qutqarý tobynyń jumysshylary shaqyryldy. Sondaı-aq, «Kaspıı tańy» ÓK, «Kaspıı balyq» ÓK, «Tilekshi» JShS, «LTD Sh. Sýleımenov» JShS, «E.Sarsenbaev» ShQ, «Amangeldi atyndaǵy» JShS jumysshylary men Nurjaý, Jańatalap aýyldyq okrýgi ákimdikteri apparatynyń tehnıkalary jumyldyrylyp, ózek boıy shóp pen baldyrlardan tazartý jumystary júrgizildi. Nátıjesinde shamamen 100 tekshe metr shóp shabyldy» -dep habarlady komıtettiń baspasóz qyzmeti.




Atalǵan aımaqtan ólgen 120 keli alabuǵa men 55 keli shortan balyǵynyń óleksesi sanıtarlyq normalarǵa saı joıylǵan. Oqıǵa ornynan balyqtar men sý quramasynyń synamalaryn alynǵan.

Qaýipti aımaqtan usaq balyqtardyń 3 mln balyq shabaǵy qutqarylyp, Sharon ózenine jiberildi.

Eske sala ketelik, budan buryn Atyraý oblysyndaǵy kanalda balyq qyrylǵanyn habarlaǵan edik.


Joǵary qaraı