Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda orman qoryn molaıtýdyń keshendi jospary bekitildi

2021 jyldyń 26 qazan 2021 02:39

ATYRAÝ. QazAqparat – Atyraý oblysynda orman qoryn molaıtýdyń keshendi jospary bekitildi, dep habarlaıdy QazAqparat.

Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Nurlan Jantoqovtyń málimetinshe, Atyraý oblysy boıynsha ormandardy ósirý men molaıtýdyń 2021-2025 jyldarǵa arnalǵan keshendi jospary, sondaı-aq Eldi mekenderdi kógaldandyrý men jasyl aımaqtar qurýdyń 2021-2025 jyldarǵa arnalǵan óńirlik jospary ázirlenip, bekitilgen.

«Keshendi josparǵa sáıkes, Atyraý oblysyndaǵy memlekettik orman qorynyń 2 803 gektar jerine aldaǵy 5 jyl ishinde 7,075 mıllıon kóshet egý josparlanyp otyr. Onyń ishinde, bıyl orman qorynyń 309 gektar aýmaǵyna 905 myń kóshet otyrǵyzý qaralǵan (kórshiles Batys Qazaqstan oblysynda 15 096 gektar jerge 57 mıllıon, al Aqtóbe oblysynyń 30 744 gektar jerine 60,1 mln kóshet). Kóktemgi naýqanda 250 gektar jer ýchaskesine 696,4 myń kóshet otyrǵyzyldy. Qazir 59 gektarǵa 208,6 myń kóshet otyrǵyzý jumystary júrgizilýde», - deıdi Nurlan Jantoqov.

Onyń deregine qaraǵanda, oblystyń eldi mekenderinde bes jylda 279 gektarǵa 540 myń kóshet otyrǵyzý kózdelgen. Bıyl 48 gektarǵa 86 320 tal egý josparlansa, kóktemgi naýqanda 24 gektarǵa 48 714 aǵash kósheti otyrǵyzyldy.

«Orman qorynyń aýmaǵynda orman ósirý, molyqtyrý, kútip-baptaý, sondaı-aq sýarý jumystaryn júrgizý orman sharýashylyǵy mekemelerine mindettelip otyr. Al, eldi meken aýmaqtarynda kóshetterdi kútip-baptaý men sýarýdy qalalyq jáne aýdandyq ákimdikterdiń tıisti bólimderi júrgizedi. Aldaǵy ýaqytta egilgen taldardy kútip-baptaý men tamshylatyp sýarý jumystaryn aıqyndaýdy júzege asyratyn arnaıy komıssııa qurý josparlanyp otyr», - deıdi Nurlan Jantoqov.

Eske salaıyq, buǵan deıin Atyraý oblysynda 2025 jylǵa deıin 7 mln kóshet egiletinin jazǵan bolatynbyz.


Avtor Bek Mustafa
Basty sózder: Aımaq, Atyraý oblysy, Ekologııa,
Joǵary qaraı